30.04.2026 | 13:54
Մուստաֆաևի` Ջուջևան այցելելու հարց չի քննարկվել. Փաշինյան․ ՏԵՍԱՆՅՈՒԹ
Տնտեսությունն աճում է, բայց տեմպն ընկել է․ որ ճյուղերն են առաջատար․ ՏԵՍԱՆՅՈՒԹ
Տնտեսություն
25.10.2023 | 18:15
Վիճակագրական կոմիտեի տվյալները վկայում են, որ Հայաստանի տնտեսությունը շարունակում է աճը, սակայն ՏԱՑ ցուցանիշը կրկին ցածր է երկնիշից։ Այս տարվա սեպտեմբերին, նախորդ տարվա սեպտեմբերի համեմատ, տնտեսության ակտիվության ցուցանիշը եղել է 5,6 տոկոս։ Այս տարվա ընթացքում դա ամենացածր ցուցանիշն է ամսական համեմատության մակարդակում։
Դեռ հունվարին, նախորդ տարվա հունվարի համեմատությամբ, տնտեսական ակտվության ցուցանիշը 11 տոկոս էր, իսկ մարտին պիկն էր՝ 14 տոկոս։ Դրանից հետո անկումային ամիսներ են եղել հունիսն ու հուլիսը։ Արդեն սեպտեմբերին այն դարձել է ընդամենը 5,6 տոկոս։
Ընդհանուր առմամբ, մինչև սեպտեմբերը ներառյալ՝ Հայաստանի տնտեսությունն ունի շեղվածություն դեպի ծառայությունների և առևտրի ոլորտ։ Գյուղատնտեսությունը և շինարարությունը փոքր տեղ են զբաղեցնում Հայաստանի տնտեսության մեջ։
Ընդհանուր առմամբ՝ Հայաստանի տնտեսությունն այդ ընթացքում ստեղծել է 8,8 տրիլիոն դրամի արդյունք (ապրանք և ծառայություն)։ Ամենամեծ հատվածը բաժին է ընկնում առևտրին՝ ամբողջի գրեթե 43 տոկոսը։ Հետնապահները շինարարությունն ու գյուղատնտեսությունն են, համապատասխանաբար՝ 3.98 տոկոս և 7.06 տոկոս։
