25.04.2026 | 11:33
Հռոմում կայացել է Հայոց ցեղասպանության 111-րդ տարելիցին նվիրված միջոցառում
Երևանի ավագանու ՔՊ խմբակցության 3 անդամ հրաժարվել է մանդատից
Քաղաքականություն
20.10.2023 | 20:02
Երևանի ավագանու անդամի մի շարք թեկնածուներ ինքնաբացարկի դիմումներ են ներկայացրել․ Կենտրոնական ընտրական հանձնաժողովն այսօրվա նիստում ուժը կորցրած է ճանաչել թեկնածուների գրանցումները։
Այսպիսով, Երևանի ավագանու ընտրություններին մասնակցած «Քաղաքացիական պայմանագիր» կուսակցության ընտրական ցուցակում ընդգրկված ավագանու անդամի թեկնածուներ՝ Անդրանիկ Գագիկի Գասպարյանի, Արտակ Գրիգորի Հովակիմյանի, Սամվել Էդուարդի Ղուկասյանի,Վահե Մանվելի Հակոբյանի, Միքայել Ռաֆայելի Օհանյանի, Արմեն Պետրոսի Մհերյանի, Լուսինե Վիկտորի Դայանի, Ռազմիկ Սամվելի Մկրտչյանի, Ռոման Վարազդատի Համբարձումյանի գրանցումներն ուժը կորցված են ճանաչվել։
«Ինքնաբացարկի դիմումներն օրենքով սահմանված կարգով վավերացված են եղել նոտարական կարգով, հետևաբար վերոնշյալ անձինք նիստին չեն ներկայացել՝ բացառությամբ Ռոման Համբարձումյանի, որը ներկայացել է նիստին»,- հայտնում են ԿԸՀ-ից։
ԿԸՀ-ն Երևանի քաղաքապետից ավագանու անդամների լիազորությունները վաղաժամ դադարեցնելու հինգ արձանագրություն է ստացել։
Երևանի ավագանու «Քաղաքացիական պայմանագիր» խմբակցության անդամներ Կամսար Բաբինյանը, Հակոբ Բալայանը, Արամ Ազատյանը ինքնաբացարկի դիմումներ են ներկայացրել։ Լիազորությունները վաղաժամկետ դադարած ավագանու անդամների մանդատները տրվել է կուսակցության ընտրական ցուցակի հերթական հաջորդ համարներին՝ Արման Գագիկի Բարխուդարյանին, Հեղինե Մկրտիչի Ոսկանյանին, Զինա Վարդանի Չալիկյանին։
ԿԸՀ-ից հայտնում են նաև, որ թիվ 1, 2, 3, 4, 6, 7, 8, 10 ԸԸՀ-ներն առաջարկել են Երևանի ավագանու ընտրությունների ժամանակ խախտումներ արձանագրած ՏԸՀ անդամներին զրկել լիցենզիայից, դիմումների մի մասը բավարարվել է՝ լիցենզիայից զրկելով 14 անձի։
Factor.am-ը դեռ հոկտեմբերի 17-ին գրել էր, որ «Մայր Հայաստան» խմբակցությունից ավագանու երկու անդամներ՝ Ադրինե Ավագյանը և Դուստրիկ Մխիթարյանը վայր են դրել մանդատները։ Լիազորությունները վաղաժամկետ դադարած ավագանու անդամների մանդատները տրվել է «Մայր Հայաստան» կուսակցությունների դաշինքի ընտրական ցուցակի հերթական հաջորդ համարներ Արմեն Մանվելի Քոչարյանին և Գրիգոր Գագիկի Իսկանդարյանին։ Իսկ ցուցակը գլխավորող Անդրանիկ Թևանյանը դեռ չի որոշել՝ կվերցնի՞, թե՞ վայր կդնի ավագանու մանդատը։ Հիշեցնենք նաև, որ Անդրանիկ Թևանյանը ավագանու ընտրություններին մասնակցելու համար վայր էր դրել պատգամավորական մանդատը։
Արփի Հակոբյան
