15.07.2026 | 17:41
Կարծում եմ՝ Պուտինը պատրաստ է խաղաղության համաձայնագիր կնքել․ Թրամփ
Մարտի 1-ի գործով ցուցարար Զաքար Հովհաննիսյանին կյանքից զրկելու համար մեղադրվող Գեղամ Պետրոսյանի նկատմամբ քրեական հետապնդումը դադարեցվել է
Հասարակություն
18.10.2023 | 12:17
Մարտի 1-ի գործով ցուցարար Զաքար Հովհաննիսյանի սպանության մեջ մեղադրվող նախկին բարձրաստիճան ոստիկան Գեղամ Պետրոսյանի նկատմամբ քրեական հետապնդումը դադարեցվել է։ Այս մասին Factor.am-ին հայտնեցին Գլխավոր դատախազությունից։
Հիշեցնենք, որ Գեղամ Պետրոսյանի նկատմամբ քրեական հետապնդում է հարուցվել դեռ 2019 թվականին։ Այդ ժամանակ գործը քննող ՀՔԾ-ն հայտնել է, որ Պետրոսյանը մեղադրվում է 2008 թ. մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների ժամանակ հրազենի գործադրմամբ Զաքար Հովհաննիսյանին դիտավորությամբ կյանքից զրկելու մեջ։
2008-ի մարտի 1-ի դրությամբ Գեղամ Պետրոսյանը եղել է ոստիկանության զորքերի հրամանատարի տեղակալը։ Պետրոսյանը 2019-ին տևական ժամանակ գտնվել է կալանքի տակ, սակայն հետագայում հնարավոր չի եղել հիմնավորել, որ Զաքար Հովհաննիսյանը հենց Գեղամ Պետրոսյանի ատրճանակից արձակված կրակոցից է մահացել։ Երկու ամիս կալանքի տակ մնալուց հետո՝ 2019-ի օգոստոսին Պետրոսյանն ազատ է արձակվել, նրա մասով նախաքննությունը շարունակվում էր արդեն 4 տարի, որի ընթացքում ակտիվ քննչական գործողություններ տեղի չէին ունենում, և փաստարեն, 4 տարի անց, նրա նկատմամբ հետապնդումը դադարեցվել է։
Արաքս Մամուլյան
