04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Երեխաների աջակցման «Զատիկ» կենտրոնում անչափահասի նկատմամբ սեքսուալ բնույթի բռնի գործողության առերևույթ դեպքի առթիվ վարույթով մեկ անչափահաս կալանավորվել է
Հասարակություն
18.10.2023 | 12:02
Երևանում գործող «Զատիկ» երեխաների աջակցման կենտրոններից մեկում անչափահասի նկատմամբ սեքսուալ բնույթի բռնի գործողություն կատարելու առերևույթ դեպքի առթիվ Քննչական կոմիտեում քրեական վարույթ է նախաձեռնվել։
Այս մասին Factor.am-ի հարցին ի պատասպան ասաց Քննչական կոմիտեի մամուլի խոսնակ Գոռ Աբրահամյանը։ Վերջինիս խոսքով՝ վարույթի շրջանակներում մեկ անձի՝ տվյալ հաստատության անչափահաս բնակչի մեղադրանք է ներկայացված ՀՀ քրեական օրենսգրքի 198-րդ հոդվածի 2-րդ մասի 2-րդ կետով և 198-րդ հոդվածի 4-րդ մասով, այն է՝ ընտանեկան դրությամբ կամ հաշմանդամությամբ պայմանավորված՝ խոցելի վիճակում գտնվող անձի նկատմամբ սեռական հարաբերությունը կամ սեքսուալ բնույթի այլ գործողությունները, այդ թվում` սեռական հարաբերության նմանակումը կամ սեռական կարիքները բավարարելը, որոնք կատարվել են հանցագործությունից տուժած անձի կամքին հակառակ կամ նրա կամքն անտեսելով` հանցագործությունից տուժած անձի կամ այլ անձի նկատմամբ բռնություն գործադրելով կամ դա գործադրելու սպառնալիքով կամ հանցագործությունից տուժած անձի անօգնական վիճակն օգտագործելով: Այս արարքի համար նախատեսվում է ազատազրկում՝ երեքից վեց տարի ժամկետով:
Մեղադրյալի նկատմամբ որպես խափանման միջոց է ընտրվել կալանքը։
Երեխաների խնամքի կենտրոնի հետ կապ հաստատել մեզ չի հաջողվել․ հեռախոսազանգերին չեն պատասխանում։
Արաքս Մամուլյան
