05.06.2026 | 00:59
Չափավորեք Ձեզ․ վեճ Արման Թաթոյանի և Արման Բաբաջանյանի միջև․ ՏԵՍԱՆՅՈՒԹ
Ֆրանսիայի Զինված ուժերի նախարարը խոսել է Հայաստանին սպառազինություն վաճառելու մասին
Քաղաքականություն
17.10.2023 | 15:26
Ֆրանսիայի Զինված ուժերի նախարար Սեբաստիան Լըկորնյուն Սենատում լսումների ժամանակ ասել է, որ Ֆրանսիան պատրաստվում է «կոնկրետացնել Հայաստանի հետ օպերատիվ միջոցառումները»։
«Մշտական պաշտպանական առաքելություն է բացվել, և մեր ռազմական կցորդը՝ փորձառու փոխգնդապետը, գրոհների է ենթարկվում տեղեկատվական դաշտում։ Ցանկանում եմ շնորհավորել նրան ստանձնած պարտավորության համար», – հայտարարել է Լըկորնյուն։
Ապա նախարարը հավելել է, որ շատ ուշադիր հետևում է Հայաստանի թեմային և վստահության հարաբերություններ է հաստատել իր հայ գործընկեր Սուրեն Պապիկյանի հետ։
«Պետության ղեկավար Էմանուել Մակրոնը հստակ սահմանել է, որ մեր պաշտպանական օրակարգը զենքի վաճառքի շուրջ է։ Ես հավելյալ տեղեկություններ չեմ տրամադրի՝ ճնշումներից խուսափելու համար, միայն կասեմ, որ որոշ զինատեսակներ կարող են լինել խիստ պաշտպանական և առաջին հերթին ծառայեն կյանքերի պաշտպանությանը և անվտանգության ապահովմանը»,- ասել է Լըկորնյուն:
Եզրափակելով իր խոսքը Ֆրանսիայի ԶՈՒ նախարարն ասել է․ «Հաջորդ շաբաթ կապի մեջ եմ լինելու Հայաստանի պաշտպանության նախարարի հետ՝ օպերատիվ և կոնկրետ միջոցառումները վերջնական տեսքի բերելու համար։ Ֆրանսիան հավատարիմ է Հայաստանին»։
Անահիտ Խաչատրյան
