15.09.2026 | 11:52
«Ապրելու երկիր»-ը հայտարարում է՝ կմասնակցի առաջիկա ՏԻՄ ընտրություններին
Սամվել Բաբայանի հաղորդման և հայտարարությունների հիման վրա քրեական վարույթ է նախաձեռնվել
Հասարակություն
16.10.2023 | 13:08
Արցախի Պաշտպանության բանակի նախկին հրամանատար Սամվել Բաբայանի կողմից ներկայացված հաղորդման և շաբաթներ առաջ Հանրային հեռուստաընկերության եթերում հնչեցրած հայտարարությունների հիմա վրա Գլխավոր դատախազությունում քրեական վարույթ է նախաձեռնվել։ Այս մասին Factor TV-ի հետ զրույցում հայտնեցին Դատախազության լրատվական բաժնից։
Վարույթը նախաձեռնվել է Քրեական օրենսգրքի 550-րդ հոդվածով՝ Զինվորական պաշտոնեական անփութություն ռազմական դրության, պատերազմի ժամանակ կամ մարտի պարագաներում հրամանատարի կամ պաշտոնատար անձի կողմից իր ծառայողական պարտականությունների կատարման նկատմամբ անբարեխիղճ կամ անփույթ վերաբերմունքի հետևանքով դրանք չկատարելը կամ ոչ պատշաճ կատարելը, ինչպես նաև Քրեական օրենսգրքի 545-րդ հոդվածի հատկանիշներով՝ մարտ վարելու միջոցները հակառակորդին հանձնելը կամ թողնելը, առանց մարտի հանգամանքներով հարկադրված լինելու հրամանատարի (պետի) կողմից ամրությունը, մարտական տեխնիկան կամ մարտ վարելու այլ միջոցը հակառակորդին հանձնելը կամ թողնելը։
Հիշեցնենք՝ Արցախի անվտանգության խորհրդի նախկին ղեկավարը սեպտեմբերի 26-ին Հանրայինի եթերում հայտարարել էր, թե Արցախը «հանձնել են» ԱՀ նախկին ու ներկա ղեկավարները։ Հենց եթերում Բաբայանը Գլխավոր դատախազությանը կոչ արեց իր հայտարարությունն ընդունել որպես հաղորդում հանցագործության մասին։
Ռոզա Վարդանյան
