15.09.2026 | 11:52
«Ապրելու երկիր»-ը հայտարարում է՝ կմասնակցի առաջիկա ՏԻՄ ընտրություններին
Երևանից ինքնաթիռ է մեկնել Իսրայել՝ ՀՀ քաղաքացիներին տեղափոխելու նպատակով
16.10.2023 | 11:29
ՀՀ ԱԳՆ-ն հաղորդագրություն է տարածել Թել Ավիվ – Երևան հատուկ չվերթի վերաբերյալ։
«Հոկտեմբերի 16-ին ՀՀ կառավարության կողմից կազմակերպվում է Թել Ավիվ – Երևան հատուկ չվերթ՝ անվտանգության ապահովման նկատառումներից ելնելով մեր քաղաքացիների և նրանց ընտանիքի անդամների ՀՀ կամավոր տեղափոխմանն աջակցելու նպատակով։
Նշենք, որ չվերթում ներառված անձանց ցանկը կազմվել է Իսրայելում ՀՀ դեսպանություն և ՀՀ ԱԳՆ ներկայացված դիմումների հիման վրա՝ ըստ դիմելու ժամանակագրության, երեխաների առկայության և ընտանիքին չբաժանելու սկզբունքով:
ՀՀ արտաքին գործերի նախարարությունը, այդ թվում՝ Իսրայելում ՀՀ դեսպանության միջոցով, հետևում է իրավիճակի զարգացումներին և ըստ անհրաժեշտության կձեռնարկի լրացուցիչ քայլեր։
Նաև հայտնում ենք, որ այս պահի դրությամբ ռազմական գործողությունների հետևանքով տուժածների շրջանում ՀՀ քաղաքացիների և հայերի առկայության վերաբերյալ տվյալներ չկան»,- ասված է հաղորդագրությունում։
Factor.am-ին ՀՀ քաղավիացիայի կոմիտեի մամուլի ծառայությունից փոխանցեցին, որ իԻնքնաթիռն արդեն ուղևորվել է Թել Ավիվ։ Նախատեսված է, որ Երևանի ժամանակով 13:00-ին օդանավը կվերադառնա Երևան, կժամանի 15։30-ին։
