12.01.2025 | 18:04
ՀՀ ԱԳՆ-ն ամփոփել է 2024թ․-ին հյուպատոսական ծառայություններում արձանագրված փոփոխությունները
Ալիևը Ստեփանակերտից սպառնացել է Հայաստանին
15.10.2023 | 23:06
Ադրբեջանի նախագահ Իլհամ Ալիևը Արցախի դեմ ագրեսիա ու էթնիկ զտում իրականացնելուց հետո այցելել է Ստեփանակերտ ու այնտեղից սպառնալիքներ հնչեցրել Հայաստանի հասցեին ու հերթական հայատյաց հայտարարությունները արել։ Նա,մասնավորապես, ծաղրել է Արցախի նախկին ղեկավարներին ու պաշտոնյաներին, անդրադարձել Բաքվի կողմից նրանց առևանգումներին ու սպառնացել Հայաստանին։
«Ես արել եմ այն, ինչ ասել եմ, սա գիտեն բոլորը, այդ թվում՝ Հայաստանում, և սա չպետք է մոռանալ։ Մի մոռացեք Հայրենական պատերազմի (նկատի ունի Արցախյան 44-օրյա պատերազմը ) մասին։ Մի մոռացեք հակաահաբեկչական միջոցառումների մասին (Արցախի դեմ ագրեսիան ու էթնիկ զտումը)։ Եթե Հայաստանում ինչ-որ ուժ դեռ մտածում է ռևանշի մասին, թող ուշադիր նայեն այս կադրերին»,-հայտարարել է Ադրբեջանի նախագահը։
Ավելի վաղ հայտնել էինք, որ Ստեփանակերտում բարձրացվել է Ադրբեջանի պետական դրոշը։
Ալիևն Արցախում կազմակերպել է Ադրբեջանում իր իշխանության 20-ամյակին նվիրված միջոցառումներ։
Էմմա Չոբանյան
