15.11.2024 | 19:26
Փաշինյանն ընդունել է ՀՀ պետական մրցանակի արժանացած Նարայանա Մուրթիին
Գերմանիան բավարարել է ՀՀ գլխավոր դատախազության միջնորդությունը. ՀՀ տարածքով հերոին տեղափոխող անձը հանձնվել է Հայաստանի իրավասու մարմիններին
Հասարակություն
13.10.2023 | 18:14
Գերմանիայի Դաշնային Հանրապետության իրավասու մարմինը բավարարել է Հայաստանի Հանրապետության գլխավոր դատախազության միջնորդությունը և հետախուզվող անձ Մ.Բ.-ին, ով մեղադրվում է իրացնելու նպատակով՝ ՀՀ տարածքով, մաքսանենգությամբ 351 կգ «հերոին» տեսակի թմրամիջոց տեղափոխելուն մասնակցելու մեջ, հանձնել է Հայաստանի իրավասու մարմիններին․ տեղեկացնում են ՀՀ գլխավոր դատախազությունից։
ՀՀ գլխավոր դատախազության հանձնարարությամբ՝ Ներքին գործերի նախարարության ոստիկանության աշխատակիցների կողմից ապահովվել է Մ.Բ.-ի տեղափոխումը Երևան:
Նշենք, որ 350 կգ «հերոին» թմրամիջոցն, ըստ քրեական գործի, պետք է տեղափոխվեր Նիդերլանդների Թագավորություն։
Գերմանիայի կողմից Հայաստանի իրավապահ մարմիններին հանձնված Մ․Բ․-ն, իրավապահ մարմիններում Factor-ի աղբյուրների փոխանցմամբ, այն անձն է, որը ըստ քրեական գործի, պետք է Նիդերլանդներում ստանալ թմրանյութը։
Հիշեցնենք, որ 350 կգ թմրամիջոցի գործով մեկ անձ՝ Իրանի Իսլամական Հանրապետության քաղաքացի Ալի Շաշամին, Հայաստանում դատապարտվել է 9 տարի ազատազրկման։
Թեմայի առնչությամբ կարդացեք նաև Factor.am–ի՝ «Ուր էր տեղափոխվելու Իրանից ուղարկված 350 կգ հերոինը, և ինչ կապ ունեն հայկական ընկերությունները դրա հետ» վերտառությամբ հրապարակումը։
