25.06.2026 | 13:56
Հրապարակվել է բասկետբոլի Հայաստանի Մ16 հավաքականի հայտացուցակը՝ Երևանում կայանալիք Եվրոպայի C դիվիզիոնի մրցաշարում
Հայաստանը չի մասնակցել Ռուսաստանը որպես բռանպետություն ճանաչող ԵԽԽՎ բանաձևի քվեարկությանը
Քաղաքականություն
13.10.2023 | 16:32
Արդեն տեղեկացրել ենք, որ Եվրոպայի խորհրդի խորհրդարանական վեհաժողովը (ԵԽԽՎ) այսօր Ռուսաստանը ճանաչել է որպես բռնապետություն։ Այս մասին X-ում հայտնել էր Ուկրաինայի արտաքին գործերի նախարար Դմիտրի Կուլեբան։
«Ես ողջունում եմ ԵԽԽՎ-ի հզոր բանաձևը, որը Ռուսաստանը ճանաչում է որպես բռնապետություն: Ավելի քան 20 տարվա միանձնյա հակասահմանադրական կառավարումը հանգեցնում է հանցագործությունների երկրի ներսում և դրսում: ԵԽԽՎ-ն կոչ է արել Եվրոպայի խորհրդի բոլոր պետություններին՝ Պուտինին ճանաչել որպես ոչ լեգիտիմ ղեկավար՝ մինչև նրա պաշտոնավարման գործող ժամկետի ավարտը»,- գրել է նա։
Factor.am-ի տեղեկություններով՝ ԵԽԽՎ-ում Հայաստանի պատվիրակությունը քվեարկությանը չի մասնակցել։ Թե որն է պատճառը հետաքրքրվեցինք՝ ԵԽԽՎ-ում հայաստանյան պատվիրակության անդամ Արուսյակ Ջուլհակյանից։ «Պատճառն այն է, որ վերադառնում ենք Հայաստան և չենք մասնակցել նիստին»,- առանց այլ մանրամասներ հայտնելու նշեց պատգամավորը։
Շողիկ Գալստյան
