15.09.2026 | 11:24
«Դիլիջան» ազգային պարկի 1.75 հա հողատարածք վերադարձվել է պետությանը
Դատախազության ապօրինի ծագում ունեցող գույքի բռնագանձման վարչությունը Ռոբերտ Քոչարյանի և նրա ընտանիքի գործն ուղարկել է դատարան
Հասարակություն
12.10.2023 | 17:25
Դատախազության ապօրինի ծագում ունեցող գույքի բռնագանձման վարչությունը Հայաստանի երկրորդ նախագահ Ռոբերտ Քոչարյանի և նրա ընտանիքի ենթադրյալ ապօրինի գույքի բռնագանձման պահանջով հայցադիմում է ներկայացրել դատարան։ Այս մասին Factor.am-ը տեղեկացավ Հակակոռուպցիոն դատարանից։
Ռոբերտ Քոչարյանի վերաբերյալ հայցադիմումով պատասխանող են Ռոբերտ Քոչարյանը, վերջինիս կինը՝ Բելլա Քոչարյանը, որդիները՝ Լևոն և Սեդրակ Քոչարյանները, վերջիններիս կանայք՝ Սիրանուշ Քոչարյանը (երգչուհի Սիրուշո), Զարուհի Բադալյանը, աղջիկը՝ Գայանե Քոչարյանը, վերջինիս ամուսինը՝ Վիգեն Չատինյանը։ Այս հայցադիմումը մակագրվել է դատավոր Նարինե Ավագյանին։ Ներկայացված մյուս հայցադիմումով պատասխանող են Սեդրակ Քոչարյանն ու կինը՝ Զարուհի Բադալյանը։ Այս հայցադիմումով դատավորը Կարապետ Բադալյանն է։
Նշենք, որ Դատախազության կողմից նախնական ուսումնասիրության արդյունքում ապօրինի է դիտարկվել և ապահովման միջոց կիրառվել 20 անշարժ գույքի նկատմամբ, որոնց թվում՝ Տերյան, Աբովյան, Պարոնյան փողոցներում, Հյուսիսային պողոտայում գտնվող շենքեր, բնակարաններ, ավտոկայանատեղիներ և հասարակական նշանակության տարածքներ, Ծաղկաձորում գտնվող հանգստյան տուն, Իսակովի պողոտայի 2 անշարժ գույք։
Թե ուսումնասիրությունն ավարտելուց հետո քննության առարկա գույքի որքան մասն է դիտարկվել ապօրինի, մեզ հայտնի չէ։
Արաքս Մամուլյան
