15.12.2025 | 13:31
Հեյդար Ալիևի արձանին «Ստալին» գրած ընդդիմադիր ադրբեջանցի ակտիվիստը «ինքնասպան է եղել» բանտում
Լռեք և մի՛ ընդհատեք․ Ռուբեն Ռուբինյանը ԵԽԽՎ-ում պատասխանել է ՀՀ-ի տարածքն «Արևմտյան Ադրբեջան» անվանած ադրբեջանցի պատվիրակին
Քաղաքականություն
12.10.2023 | 14:09
ԵԽԽՎ-ում Լեռնային Ղարաբաղում հումանիտար իրավիճակի վերաբերյալ հրատապ ընթացակարգով քննարկման ժամանակ ՀՀ ԱԺ փոխխոսնակ, ԵԽԽՎ-ում հայկական պատվիրակության ղեկավար Ռուբեն Ռուբինյանը պատասխանել է Ադրբեջանի ներկայացուցիչ Յաֆարովին, որն իր ելույթում ՀՀ-ի տարածքն անվանել է «Արևմտյան Ադրբեջան»։
«Ուզում եմ պատասխանել պարոն Յաֆարովին։ Այս մարդիկ այնքան են կորցրել ամոթը, որ անգամ հիմա՝ մի քանի շաբաթ առաջ մի ամբողջ բնակչության էթնիկ զտումներից հետո, նրանք եկել են այս կազմակերպություն և Հայաստանն անվանում են «Արևելյան Ադրբեջան»։ Պետք չէ հանճար լինել՝ հասկանալու այն, որ Բաքվի գործողությունները՝ 2020 թվականի պատերազմը, վերջին էթնիկ զտումները, Հայաստանից արտատարածքային միջանցքի պահանջը, երկրի սահմանները չճանաչելը վկայում են մի բանի մասին՝ Ադրբեջանը միջազգային կարգի և իրավունքի տեսանկյունից վտանգ է ներկայացնում։ Այդ ռեժիմը պետք է պատժվի, իհարկե, օրենքի օգնությամբ։ Հայաստանը սպասում է միջազգային հանրության և ձեզանից յուրաքանչյուրի աջակցությանը»,- հայտարարել է Ռուբինյանը՝ հավելելով, որ Ադրբեջանի ներկայացուցիչների ցինիզմը պարզապես զարմացնում է։
Ռուբինյանի ելույթն ընդհատել փորձող Ադրբեջանի ներկայացուցիչներին ՀՀ պատվիրակության ղեկավարը կոչ է արել չընդհատել և լռել։
