20.01.2026 | 17:27
Դուք, ձեր խմբակցությունը, ձեր բռնապետիկը․ Վահագն Ալեքսանյանը՝ Արմենուհի Կյուրեղյանին․ ՏԵՍԱՆՅՈՒԹ
Ֆրանսիան ՄԱԿ-ի ԱԽ շրջանակում կպահանջի բանաձև ընդունել՝ Լեռնային Ղարաբաղ հայերի վերադարձի վերաբերյալ․ Կատրին Կոլոննա
Քաղաքականություն
11.10.2023 | 21:08
Ֆրանսիան ՄԱԿ-ի Անվտանգության խորհրդի շրջանակում կպահանջի բանաձև ընդունել, որը պայմաններ կստեղծի Լեռնային Ղարաբաղ հայերի վերադարձի համար։ Այս մասին հայտարարել է Ֆրանսիայի ԱԳ նախարար Կատրին Կոլոննան Սենատում ելույթի ժամանակ։
«Ադրբեջանը ծրագրել և կազմակերպել է ավելի քան 100 հազար հայերի փախուստը ԼՂ-ից։ Այս ծանր հանցագործությունը չի կարող անպատասխան մնալ։ Հայաստանի և Ադրբեջանի միջև հակամարտությունը կարող է լուծվել բանակցությունների միջոցով. Բաքուն պետք է հասկանա, որ չի կարող գնալ ուժի կիրառման ճանապարհով»,- ասել է Կատրին Կոլոննան։
Նա նաև խոսել է Արցախի հայերի պատմական և մշակութային իրավունքների պաշտպանության, տեղում մշտական միջազգային ներկայության անհրաժեշտության մասին։
«Ինչպես էլ փորձեն ներկայացնել իրավիճակը, այո, Ադրբեջանը պլանավորել և կազմակերպել է ավելի քան 100 000 հայերի գաղթը Լեռնային Ղարաբաղից։ Խոսքը գնում է մի հանցագործործության մասին, որը չի կարող մնալ առանց արձագանք», վստահեցնում է @MinColonna -ն։ https://t.co/9zDMmbyy7g
— France en Arménie 🇫🇷🇪🇺 (@AmbaFR_Armenie) October 11, 2023
