Առերեսում Փաշինյանի փոխարեն թիկնապահների հետ. Վարուժան Ավետիսյանի որդու գործով նախաքննությունն ավարտվել է․ ՏԵՍԱՆՅՈՒԹ

Հասարակություն

11.10.2023 | 18:47

Լուրեր

15.11.2024 | 23:17

Նոյոմբերի 18-ին Հայաստանի մի շարք հասցեներում էլեկտրաէներգիայի անջատումներ կլինեն

15.11.2024 | 22:57

COP-ի համար Բաքվում նավթարդյունահանման տարածքները թաքցրել են պատերի հետևում, մինչդեռ մարդիկ բնակվում են մազութով ծածկված խոնավ տներում

15.11.2024 | 22:44

ՄԻԵԴ-ը Թուրքային պարտավորեցրել է միլիոնավոր եվրոների փոխհատուցում վճարել հեղաշրջման փորձից հետո ապօրինի ձերբակալվածներին

15.11.2024 | 22:41

ԵՆԲ Գլոբալը 236 միլիոն եվրոյի վարկային համաձայնագիր է ստորագրել ՀՀ-ի հետ՝ Սիսիան-Քաջարան ճանապարհահատվածի շինարարությունը ֆինանսավորելու համար

15.11.2024 | 22:29

Հրդեհ Նորաշեն գյուղում. այրվել են երկու տների տանիքներ

15.11.2024 | 22:14

Ֆրանսիայում ավարտվում է Ուկրաինայի զինված ուժերի բրիգադի ուսուցումը

15.11.2024 | 21:59

Երևանում ավտոմեքենա է այրվել

15.11.2024 | 21:45

Բրիտանիայի խորհրդարանում Ադրբեջանում բռնաճնշումների և քաղբանտարկյալների խնդիրն է քննարկվել

15.11.2024 | 21:34

Փաշինյանը ՏՏ ոլորտում համաշխարհային ներդրման համար ՀՀ պետական մրցանակը հանձնել է Նարայանա Մուրթիին

15.11.2024 | 21:20

Խիստ հակասական COP29. մասնագետները կլիմայի շուրջ բանակցություններն այլևս արդյունավետ չեն համարում

15.11.2024 | 21:06

Լրագրողական կազմակերպությունների հայտարարությունը ԱԺ-ում լրագրողի աշխատանքի խոչընդոտման կապակցությամբ

15.11.2024 | 20:57

Գուրգեն Արսենյանը հանդիպել է Ռուսաստանում ԵՄ պատվիրակության ղեկավարին

15.11.2024 | 20:44

Գրետա Թունբերգը ժենգյալով հաց է պատրաստում. ՏԵՍԱՆՅՈՒԹ

15.11.2024 | 20:30

Փաշինյանը Պապիկյանին կազատի՞ զբաղեցրած պաշտոնից, եթե նա այլ հայտարարություն անի․ ԵզրաԿԱՑՈՒԹՅՈՒՆ

15.11.2024 | 20:20

Աբխազիայում բանակցություններ են սկսվել իշխանությունների և ընդդիմության միջև

Բոլորը

«Սասնա Ծռեր» խմբավորման անդամ, ՊՊԾ գնդի գրավման գործով ազատազրկված Վարուժան Ավետիսյանի որդու՝ Դավիթ Ավետիսյանի և վարչապետ Նիկոլ Փաշինյանի միջև տեղի ունեցած միջադեպի գործով նախաքննությունն ավարտվել է։ Ավետիսյանի պաշտպան Արայիկ Պապիկյանի խոսքով՝ քննության ավելի քան երեք ամիսների ընթացքում քննչական գործողություններ գրեթե չեն կատարվել, ավելին՝ ամենակարևոր առերեսումն Ավետիսյանի հետ քննիչի կողմից նշանակվել է ոչ թե Փաշինյանի, այլ նրա անվտանգության աշխատակիցների հետ, որից իրենք հրաժարվել են։

Միջադեպը տեղի էր ունեցել հուլիսի 2-ին Երևանի Անգլիական այգում։ Ըստ Դավիթի՝ ինքը պատահմամբ հանդիպել էր վարչապետին և նրա տիկնոջը։ Նրանց կողքով անցնելիս թեթև հրել էր Փաշինյանին և ասել՝ պատասխան է տալու զոհված ընկերների համար։ Դրան հաջորդել են անվտանգության աշխատակիցների և ոստիկանների գործողությունները։

Դավիթին բերման են ենթարկել ոստիկանության բաժին և ձերբակալել վարչապետ Նիկոլ Փաշինյանին վիրավորանք հասցնելու կասկածանքով։ 65 ժամ անց տղան ազատ է արձակվել, սակայն կասկածանքը փոխարինվել է մեղադրանքով․ Դավիթ Ավետիսյանի նկատմամբ հանրային քրեական հետապնդում է հարուցվել խուլիգանության հոդվածով։ Թեև նախաքննության ավարտից հետո պաշտպանական կողմին դեռևս չի տրամադրվել մեղադրական եզրակացությունը, սակայն պաշտպանի խոսքով՝ մեղադրանքն անհեթեթ է։

Պապիկյանի դիտարկմամբ նախաքննական գործընթացը ևս սահուն չի անցել։ Ըստ նրա՝ շուրջ երկու ամիս որևէ գործողություն չի իրականացվել, սակայն, քննության ժամկետը լրանալու ժամանակ քննիչը հավելյալ մեկ ամիս է խնդրել, որը տրամադրվում է միայն բացառիկ դեպքերում։

Պաշտպանի գնահատմամբ հարցաքննված վկա ոստիկանների և Փաշինյանի անվտանգության աշխատակիցների ցուցմունքներում էական հակասություններ կան։

Եթե Դավիթ Ավետիսյանը մեղավոր ճանաչվի այս պահին առաջադրված հոդվածով, նրան սպառնում է պատիժ՝ տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ ազատության սահմանափակմամբ՝ առավելագույնը երկու տարի ժամկետով, կամ կարճաժամկետ ազատազրկմամբ՝ առավելագույնը մեկ ամիս ժամկետով, կամ ազատազրկմամբ՝ առավելագույնը երկու տարի ժամկետով։

Մանրամասները ՝ տեսանյութում։

Ռոզա Վարդանյան