15.09.2026 | 11:52
«Ապրելու երկիր»-ը հայտարարում է՝ կմասնակցի առաջիկա ՏԻՄ ընտրություններին
Գագիկ Խաչատրյանի, որդիների և նրանց փոխկապակցված անձանց ենթադրյալ ապօրինի գույքը բռնագանձելու գործն ուղարկվել է Հակակոռուպցիոն դատարան
Հասարակություն
11.10.2023 | 12:42
ՊԵԿ նախկին նախագահ, Ֆինանսների նախկին նախարար Գագիկ Խաչատրյանի, վերջինիս որդիներ Գուրգեն Խաչատրյանի, Արտյոմ Խաչատրյանի, եղբորորդու՝ Արամ Խաչատրյանի և վերջիններս փոխկապակցված անձանց գույքը բռնագանձելու վերաբերյալ հայցադիմում է ներկայացվել դատարան։ Այս մասին տեղեկանում ենք Հակակոռուպցիոն դատարանից։
Բացի Խաչատրյաններից և նրանց փոխկապակցված անձանցից գործով որպես պատասխանող հանդես են գալիս նաև Կիպրոսում, Շոտլանդիայում, Ֆրանսիայում, ԱՄՆ-ի Կալիֆորնիա նահանգում գրանցված ընկերություններ։
Գագիկ Խաչատրյանի և Արտյոմ Խաչատրյանի գույքի վերաբերյալ Դատախազության հայցադիմումները մակագրվել են դատավոր Կարապետ Բադալյանին, իսկ Գուրգեն և Արամ Խաչատրյանների վերաբերյալ հայցադիմումները՝ Լիլիթ Դրմեյանին։
Հիշեցնենք, որ մեկ տարի առաջ Դատախազությունը հայտնել էր, որ Ֆինանսների նախկին նախարար Գագիկ Խաչատրյանից և նրան փոխկապակցված անձանցից, ապօրինի ծագում ունեցող գույքի բռնագանձման գործառույթի շրջանակում, բռնագանձման է ենթակա 210 անշարժ գույք, որից 60-ը՝ Երևան քաղաքում:
Արաքս Մամուլյան
