05.08.2026 | 13:54
Արարատ Միրզոյանը Սոկոլովի և ԱՄՆ բանագնացի հետ քննարկել է ԹՐԻՓՓ ծրագրին վերաբերող հարցեր
Ֆրանսիան պաշտպանական տեխնիկայի մատակարարմամբ գործում է հանուն Հայաստանի անվտանգության․ ֆրանսիացի պատգամավոր
Քաղաքականություն
11.10.2023 | 11:09
«Հանդիպում ունեցանք Երևանում Հայաստանի Անվտանգության խորհրդի քարտուղար Արմեն Գրիգորյանի հետ՝ քննարկելու Լեռնային Ղարաբաղում էթնիկ զտումները և Հայաստանում անվտանգության իրավիճակը»,- X-ի իր միկրոբլոգում գրել է Ֆրանսիայի Ազգային ժողովի պատգամավոր, Ֆրանսիա-Հայաստան բարեկամության խմբի նախագահ Անն Լորանս Փեթելը։
«Ֆրանսիան ռազմական համագործակցության պայմանագրով և պաշտպանական տեխնիկայի մատակարարմամբ գործում է հանուն Հայաստանի անվտանգության։ Եվրոպան և միջազգային հանրությունն իրենց հերթին պետք է մոբիլիզացվեն»,- գրել է պատգամավորը։
Հիշեցնենք, որ երեկ ՀՀ անվտանգության խորհրդի գրասենյակը հաղորդագրություն էր տարածել, ըստ որի՝ ՀՀ ԱԽ քարտուղար Արմեն Գրիգորյանը հանդիպել է «Հայաստանի ընկերներ» խմբի, «Ռասմուսեն Գլոբալ» ընկերության և «Արտաքին հարաբերությունների եվրոպական խորհուրդ» փորձագիտական կենտրոնի ներկայացուցիչների հետ։ Այլ մանրամասներ չէր հաղորդվում։
