26.08.2026 | 17:45
18-ամյա ֆուտբոլիստը 100 միլիոն եվրոյի դիմաց տեղափոխվեց «Մանչեսթեր Սիթի»
Ռուս սահմանապահներին պետք է տրվի ոչ թե վերահսկելու, այլ պաշտպանելու գործառույթ․ Արա Պապյան․ ՏԵՍԱՆՅՈՒԹ
Քաղաքականություն
23.07.2018 | 14:30
«Մոդուս վիվենդի» կենտրոնի նախագահ, ՀՀ արտակարգ ու լիազոր դեսպան Արա Պապյանը ռուսական ռազմաբազայի հրամանատարությանը հիշեցնում է, որ կրակոցի իմիտացիա իրականացնելու համար Հայաստանում քաղաքացի է դատապարտվել։ «Հայկ Կյուրեղյանն օդամղիչ ատրճանակով կրակելու համար դատապարտվեց 9 տարվա ազատազրկման»,-անդրադառնալով Շիրակի մարզի Փանիկ գյուղում կատարվածին՝ հիշեցրեց Պապյանը՝ բացառելով, որ զորավարժությունների վայր կարող էր նշանակված լինի Փանիկ գյուղը, քանի որ նման վարժանքները բնակավայրերում չեն անցկացվում։
Արա Պապյանի խոսքով՝ այդ խնդիրները մեր երկրում բացառելու համար Հայաստանի և Ռուսաստանի միջև կնքված ռազմական պայմանագիրը պետք է վերանայվի, և այն պետք է համապատասխանեցվի միջազգային իրավունքի նորմերին։ «Որոշ դրույթներ պետք է վերանայվեն, իսկ եղածներն էլ պետք է պարտադրվեն օրենքի տառին համաձայն»,- ընդգծեց նա։
Վերջինս նշեց, որ ռուսական ռազմաբազայի հետ կնքված պայմանագրի որոշ դրույթներ վերանայելուց հետո, պետք է ռուս սահմանապահ զորքերից վերցվի նրանց տրված վերահսկման գործառույթը. «Ինչո՞ւ պետք է վերահսկեն, ինչո՞ւ պետք է օդանավակայանում անձնագրային բաժինը իրենք վերահսկեն, իրենց պետք է տրվի ոչ թե վերահսկելու, այլ պաշտպանելու գործառույթ»։
Մանրամասները՝ տեսանյութում։
