15.07.2026 | 21:11
ՄԻՊ-ը ԵԽ պատգամավորի հետ քննարկել է ատելության խոսքի և իրավունքների պաշտպանության հարցերը
Մոսկվան դիտարկում է հոկտեմբերի 12-ին ՌԴ-ի, Հայաստանի ու Ադրբեջանի ԱԳ նախարարների հանդիպման հնարավորությունը
Քաղաքականություն
09.10.2023 | 11:10
Մոսկվան դիտարկում է հոկտեմբերի 12-ին Բիշքեկում՝ ԱՊՀ գագաթնաժողովի շրջանակներումՌուսաստանի, Հայաստանի և Ադրբեջանի ԱԳ նախարարների հանդիպման հնարավորությունը։ Այս մասին ՌԲԿ-ին տված հարցազրույցում ասել է ՌԴ ԱԳ փոխնախարար Միխայիլ Գալուզինը։
«Ռուսաստանի, Ադրբեջանի և Հայաստանի միջև երկխոսությունը հայ-ադրբեջանական հակամարտության կարգավորման հարցերի ամբողջ շրջանակի շուրջ երբեք չի ընդհատվել: Հուսով ենք, որ նման շփումները կշարունակվեն։ Դիտարկում ենք նման քննարկումների անցկացման հնարավորությունը հոկտեմների 12-ին Բիշքեկում ԱԳ նախարարների մակարդակով ԱՊՀ գագաթնաժողովի միջոցառումների շրջանակներում»,- ասել է Գալուզինը՝ նշելով, որ Բաքուն իր համաձայնությունը տվել է։
«Ադրբեջանական կողմն արդեն տվել է սկզբունքային համաձայնությունը, և մենք ակնկալում ենք, որ հայկական կողմը նույնպես ամենայն պատասխանատվությամբ կմոտենա այս հարցին և կհամաձայնի մասնակցել նման բանակցություններին»,- հավելել է ՌԴ ԱԳ նախարարը։
