30.05.2026 | 12:53
Հունիսի 1-ին որոշ փողոցներ փակ կլինեն
Ադրբեջանը կանգ չի առնի, եթե հավաքական Արևմուտքի կողմից քայլեր չձեռնարկվեն. Բալայան
Քաղաքականություն
08.10.2023 | 22:16
Մենք այժմ գտնվում ենք Հայաստան ներխուժման անմիջական սպառնալիքի տակ: Ադրբեջանը կանգ չի առնի, եթե հավաքական Արևմուտքի կողմից գործնական քայլեր չձեռնարկվեն։ Այս մասին Brussels Signal-ին տված հարցազրույցում ասել է Բելգիայում ՀՀ դեսպան և ԵՄ-ում ՀՀ ներկայացուցչության ղեկավար Տիգրան Բալայանը։
Բալայանն ընդգծել է, որ միջազգային իրավունքը հարգելու Ադրբեջանի խոստումները դատարկ են, իսկ Հայաստանի միջազգայնորեն ճանաչված տարածքների նկատմամբ հավակնություններ չունենալը՝ բլեֆ։
Դեսպանը նշել է, որ գործնական միջոցներ կան, որոնցով ԵՄ-ն կարող է դիմակայել Ադրբեջանին և Ալիևին։ Բալայանն առաջարկել է, որ ԵՄ-ն Ալիևին վերջնաժամկետ տա իր բանակը Հայաստանի սահմանից դուրս բերելու համար։ Չկատարելու դեպքում՝ ԵՄ-ի հետ Ադրբեջանի առանց վիզայի համաձայնագիրը կասեցնեն։ Նա նաև շեշտել է, որ անհատական պատժամիջոցները կարող են հստակ ուղերձ հղել։
