30.05.2026 | 19:40
«Լիվերպուլը» մնաց առանց գլխավոր մարզիչի
Մենք ցնցված ենք ռազմական ուժ կիրառելու՝ Ադրբեջանի որոշումից․ Ալիևը չի կարող ՀՀ-ից տարածքային պահանջներ ունենալ․ Շառլ Միշել
Քաղաքականություն
05.10.2023 | 15:17
Եվրոպական խորհրդի նախագահ Շառլ Միշելը Գրանադայում Եվրոպական քաղաքական համաժողովին ժամանելիս լրագրողների հետ ճեպազրույցում խոսել է Արցախի դեմ ադրբեջանական ագրեսիայից։
«Մենք ցնցված ենք ռազմական ուժ կիրառելու՝ Ադրբեջանի կայացրած որոշումից»,- ասել է Միշելը։
Նա նշել է, որ Ադրբեջանը հստակ պետք է ճանաչի Հայաստանի տարածքային ամբողջականությունը։
«Ես երկու օր առաջ խոսել եմ նախագահ Ալիևի հետ և հստակ ասացի նրան, որ նա չի կարող տարածքային պահանջներ ունենալ Հայաստանից: Սա պետք է բարձրաձայն ասվի և ապահովվի, որ կա Հայաստանի և Ադրբեջանի տարածքային ամբողջականության փոխադարձ ճանաչումը»,- ասել է ԵՄ Խորհրդի ղեկավարը։
Նա հավելել է, որ ԵՄ-ն օգնելու է Հայաստանին Ադրբեջանի սկսած ռազմական գործողությունների հետևանքով փախստականների հարցում՝ մի կողմից հումանիտար աջակցություն ցուցաբերելով։
«Մենք նաև պետք է հաշվի առնենք Հայաստանի ձգտումը՝ սերտացել կապերը ՀՀ-ի ու ԵՄ-ի միջև։ Ես հավանություն են տալիս դրան։ Մենք մի քանի տարի առաջ Հայաստանին խոստացել ենք ավելի 2 մլրդ եվրոյի տնտեսական ներդրումային փաթեթ։ Պետք է այն հատկացնենք, Հայաստանն ունի մեր օգնության կարիքը»,- ասել է նա։
Շառլ Միշելը նշել է, որ Ադրբեջանի նախագահի՝ Գրանադայի հանդիպմանը չմասնակցելու որոշումը չի պատրաստվում հրապարակային մեկնաբանել։ Նա նաև տեղեկացրել է, որ հանդիպումը տեղի է ունենալու ՀՀ վարչապետ Նիկոլ Փաշինյանի, Ֆրանսիայի նախագահ Էմանունել Մակրոնի, Գերմանիայի նախագահ Օլաֆ Շոլցի ու իր մասնակցությամբ։
Էմմա Չոբանյան
