09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Բողոքի ակցիա Սիլիկյան թաղամասում, ինքնակամ կառույցներ են ապամոնտաժվում․ ՏԵՍԱՆՅՈՒԹ
Հասարակություն
05.10.2023 | 13:51
Աջափնյակ վարչական շրջանի Սիլիկյան թաղամասի 9-րդ փողոցի և գերեզմանին հարակից տարածքի բնակիչները փակել են ճանապարհի երթևեկելի հատվածը և թույլ չեն տալիս քաղաքապետարանի աշխատակիցներին ապամոնտաժել իրենց տները։ Բնակիչները Factor TV–ին պատմեցին, որ դեռ տարիներ առաջ գնել են գերեզմանների հարակից տարածքի հողամասերը և տներ կառուցել։
Բնակիչների խոսքով՝ այսօր իրականացվող աշխատանքների մասին համապատասխան ծանուցում չեն ստացել։ Երևանի քաղաքապետի մամուլի քարտուղար Հայկ Կոստանյանը քիչ առաջ ֆեյսբուքյան գրառմամբ հայտնել է, որ Սիլիկյան թաղամասի 9-րդ փողոցում և գերեզմանի հարակից տարածքում քանդվում են առանց հողօգտագործման իրավունքի և առանց համապատասխան թույլտվությունների 21 շինություն։ Կոստանյանը գրում է, որ նշված բոլոր շինությունները ապօրինի կառուցվել են համայնքային սեփականություն հանդիսացող հողամասերի վրա։
Մանրամասները՝ տեսանյութում։
Անի Թամրազյան
