12.03.2026 | 23:35
Վթար Երասխ-Երևան ավտոճանապարհին․ կան տուժածներ
Ալիևի ռեժիմի համար անհապաղ հետևանքներ պետք է լինեն. Եվրախորհրդարանի պատգամավոր
Քաղաքականություն
03.10.2023 | 21:45
Եվրամիությունը պետք է վերանայի Ադրբեջանի հետ հարաբերությունները։ Այս մասին հայտարարել է Եվրախորհրդարանի պատգամավոր Մարինա Կալյուրանդը՝ Ադրբեջանի հարձակումից հետո Լեռնային Ղարաբաղում ստեղծված իրավիճակի և Հայաստանի դեմ շարունակվող սպառնալիքների վերաբերյալ քննարկման ժամանակ։
«Ալիևի ռեժիմի համար անհապաղ հետևանքներ պետք է լինեն», – ասել է նա՝ նշելով, որ մեկ տարի առաջ Եվրահանձնաժողովի նախագահ Ուրսուլա ֆոն դեր Լեյենը Բաքվում էր՝ կանգնած նախագահ Ալիևի կողքին, և գովաբանում էր Ադրբեջանին ԵՄ հուսալի գործընկեր լինելու համար։
Ըստ պատգամավորի՝ Եվրահանձնաժողովը պետք է հստակ հասկացնի, որ Ադրբեջանի գործողությունները՝ ռազմական հարձակումից մինչև Լեռնային Ղարաբաղի բնակչության բռնի տեղահանում, որը դե ֆակտո էթնիկ զտում է, ընդունելի չեն։
«Պատասխանը պետք է ներառի պատժամիջոցների կիրառում կամ Ադրբեջանի իշխանություններին պատասխանատվության ենթարկում, ԵՄ-ի և Ադրբեջանի միջև նոր համաձայնագրի շուրջ բանակցությունների և գազային համաձայնագրի դադարեցում»,- ասել է Մարինա Կալյուրանդը։
Էմմա Չոբանյան
