ԱՄՆ-ը չի վարանի համապատասխան գործողություններ ձեռնարկել՝ ԼՂ-ում էթնիկ զտումների ապացույցներ լինելու դեպքում․ Միլլեր

ԱՄՆ-ը չի վարանի համապատասխան գործողություններ ձեռնարկել՝ արձագանքելով վայրագությունների մեղադրանքներին և պատասխանատվության ենթարկելու վայրագությունների համար պատասխանատուներին, երբ տեսնի ապացույցներ, որ դրանք տեղի են ունեցել Լեռնային Ղարաբաղում։ Այս մասին հայտարարել է ԱՄՆ Պետքարտուղարության խոսնակ Մեթյու Միլլերը։

«Մենք լրջորեն ենք վերաբերվում էթնիկ զտումների, ցեղասպանության կամ այլ վայրագությունների մասին մեղադրանքներին: Իրավիճակի վերաբերյալ կապի մեջ ենք տեղում մեր մարդկանց հետ։ Մենք չենք վարանի համապատասխան գործողություններ ձեռնարկել՝ արձագանքելու վայրագությունների մեղադրանքներին և պատասխանատվության ենթարկելու վայրագությունների համար պատասխանատուներին, երբ տեսնենք ապացույցներ, որ դրանք տեղի են ունեցել: Բայց, ինչպես միշտ, ցեղասպանության կամ էթնիկական զտումների վերաբերյալ վճռականությունը հիմնված է կանխամտածված, ապացույցների վրա հիմնված գործընթացի վրա: Դա այն չէ, ինչի մասին ես կարող եմ խոսել այս ամբիոնից՝ որպես վերջնական բանի»,- ասել է Միլլերը:

Լրագրողի հարցին՝ չէ՞ որ քաղաքացիական բնակչությունը հեռացել է տարածաշրջանից, Միլլերը պատասխանել է․ «Անշուշտ, ճիշտ է, որ հարյուր հազար կամ, ասենք, մոտ հարյուր հազար էթնիկ հայեր Լեռնային Ղարաբաղից մեկնել են Հայաստան։ Հիմա, կարծում եմ,  մեզանից ոչ ոք չի կարող ասել, թե այդ մարդկանց քանի՞ տոկոսն է ծրագրում մշտապես մնալ Հայաստանում, քանի՞ տոկոսը կարող է ցանկանալ վերադառնալ, եթե պայմանները թույլ տան, եթե իրենց հանդեպ վերաբերմունքի բավարար երաշխիքներ ստանան։ Այդ իսկ պատճառով մենք կրկնում ենք անկախ միջազգային դիտորդական առաքելություն ստեղծելու մեր կոչը, որը թափանցիկություն և հավաստիացում կապահովի Լեռնային Ղարաբաղի բնակչությանը, որ էթնիկ հայերի իրավունքներն ու անվտանգությունը կպաշտպանվեն, մասնավորապես՝ նրանցից յուրաքանչյուրինը, ով կցանկանա վերադառնալ: Ադրբեջանը տվել է այդ հավաստիացումները»։