23.05.2026 | 18:52
«Ուժեղ Հայաստան» կուսակցության քարոզարշավը Արմավիրի մարզում. ՈՒՂԻՂ
Նիկոլ Փաշինյանը՝ Սաշիկ Սարգսյանի 50/50 «փայ մտնելու» որևէ դեպք չբացահայտելու մասին. ՏԵՍԱՆՅՈՒԹ
Հասարակություն
20.07.2018 | 13:54
Կոռուպցիայի դեմ պայքարում իրավապահների ձեռքից չեն պլստալու։ Պատասխանելով Factor.am-ի այն հարցին, որ տարիներ ի վեր եղել են պնդումներ, այդ թվում հենց իր՝ Նիկոլ Փաշինյանի կողմից, որ Սերժ Սարգսյանի եղբայր Սաշիկ Սարգսյանը տարբեր բիզնեսներում ունի 50 տոկոս մասնաբաժին, ինչու մինչ օրս 50/50 « փայ մտնելու» գեթ մեկ բացահայտում չի արվել, նման դեպք չկա՞, թե՞ չի հաջողվում բացահայտել։
Փաշինյանն ի պատասխան ասաց՝ իրավապահ մարմինների ներկայացուցիչները վերջին երկու ամիսներին ուղղակի ուժասպառ են եղել։
«Նույնիսկ լինում են դեպքեր, երբ ասում են` իսկ չի՞ լինի, գոնե կիրակի օրվա երկրորդ կեսին կոռուպցիայի դեմ չպայքարենք։ Երբեմն շեշտադրումներ են արվում, որոնք, կներեք, ինձ համար, իսկապես, մի փոքր տարօրինակ են։ Այ ասում են, «էս ինչի՞ այ էս մարդուն էսօր խուզարկեցին, ձերբակալեցին, բայց այ էն մի մարդուն չխուզարկեցին ու չձերբակալեցին։ Այստեղից ի՞նչ հետևություններ է պետք անել, բա որ ասում էինք դեռ 2002 թվականին»: Տեսեք՝ ես էլի ցանկանում եմ, որ մենք հստակ արձանագրենք մի բան, որ էս պրոցեսը տեղի չի ունենում, որ ես առավոտյան կամ երեկոյան հեռախոսը վերցնում եմ, կամ հրավիրում եմ ԱԱԾ տնօրենին, ասում եմ` էսօր բռնում եք էսինչին, էսինչին, խուզարկում եք էնինչին, բաց եք թողնում էնինչին։ Այդպես չէ գործընթացը»,- նշեց վարչապետը:
Շարունակելով միտքը՝ նա ասաց, որ գործերը բացահայտվել են կոնկրետ օպերատիվ տեղեկության հիման վրա, իսկ եթե հարցն այն է, թե կա՞ն այլ օպերատիվ տեղեկություններ, ապա նշեց՝ ինքն այդ հարցին չի պատասխանի:
«Եթե այսօր որևէ բան չի բացահայտվել, չի նշանակում, որ վաղն այդ որևէ բանը չի բացահայտվելու։ Կամ իմ հայտարարությունը չի նշանակում, որ վաղն անպայման այդ մի բանը բացահայտվելու է: Ես կարծում եմ, որ որևէ մեկը չի կասկածում կոռուպցիայի դեմ պայքարի մեր անկեղծության վրա: Անձամբ ես շահագրգիռ եմ, որ որքան հնարավոր է շատ և որքան հնարավոր է շուտ Հայաստանից գողացված գումարները հետ բերվեն և օգտագործվեն Հայաստանի տնտեսության, ենթակառուցվածքների և այլ հարցեր լուծելու համար։ Որևէ մեկը չկասկածի, թե որևէ մեկը, որին բռնելու և պատասխանատվության ենթարկելու օրենքով նախատեսված հիմք կա, որևէ մեկը չի պլստալու, ես ձեզ հավաստիացնում եմ»:
Մանրամասները՝ տեսանյութում:
