14.12.2025 | 15:42
Կյանքից հեռացել է մանկական վիրաբույժ Ավթանդիլ Հարությունյանը
«Եռաբլուր»-ում հուղարկավորեցին Արցախում վերջին ագրեսիայի ընթացքում հերոսացած զինծառայողների
Քաղաքականություն
28.09.2023 | 16:41
Արցախում ադրբեջանական վերջին ռազմական գործողությունների հետևանքով զոհված Արման Մնացականյանի և Արամ Իսրայելյանի մարմիններն ամփոփվեցին «Եռաբլուր» զինվորական պանթեոնում։ 18-ամյա Արման Մնացականյանը Արցախի Ներքին Հոռաթաղի գյուղապետ Արթուր Մնացականյանի որդին էր, ընդամենը վեց ամսվա զինծառայող։ Հարազատները պատմեցին, որ ագրեսիայից առաջ հայրն իջել էր դիրքերից, որդին՝ բարձրացել։
24-ամյա Արամ Իսրայելյանն էլ Մարտակերտից էր, ամուսնացած, վեց ամսական աղջիկ երեխա ուներ։ Արման Մնացականյանն ու Արամ Իսրայելյանը զոհվել են սեպտեմբերի 19-ին։ Ըստ պաշտոնական վերջին տեղեկությունների՝ ադրբեջանական հարձակման հետևանքով Արցախում զոհվել է առնվազն 200 մարդ, նաև՝ քաղաքացիական անձինք։
Մանրամասները՝ տեսանյութում։
Արփի Հակոբյան
