15.07.2026 | 22:23
Հայտնի է՝ հուլիսի 16-ին որ հասցեներում էլեկտրամատակարարումը կդադարեցվի
Ժամը 14։00-ի դրությամբ բռնի տեղահանվածների թիվը կազմում է 70 հազար 500 անձ․ ՏԵՍԱՆՅՈՒԹ
28.09.2023 | 16:14
Տարածքային կառավարման և ենթակառուցվածքների նախարար Գնել Սանոսյանը ու վարչապետի մամուլի քարտուղար Նազելի Բաղդասարյանը ներկայացնում են Լեռնային Ղարաբաղից բռնի տեղահանված մեր հայրենակիցներին Կառավարության «Հումանիտար կենտրոն»-ի կողմից ցուցաբերվող աջակցության աշխատանքների ընթացքը:
Այսօր ժամը 14:00-ի դրությամբ Լեռնային Ղարաբաղից 70,500 բռնի տեղահանված անձ է հատել Հայաստանի սահմանը։ Նրանցից 50,866-ը հաշվառվել է։ Այս մասին այսօր կառավարության հումանիտար կենտրոնում հրավիրված ասուլիսում հայտարարեց վարչապետի խոսնակ Նազելի Բաղդասարյանը։ «Լեռնային Ղարաբաղից Հայաստան մարդկանց հոսքի ինտենսիվությունը չի նվազել։ Ժամում 1000 անձ է հաշվառվում, ուղղորդվում»,- ասաց Բաղդասարյանը։
Նրա խոսքով՝ Ստեփանակերտում կան քաղաքացիներ, որոնք չունեն սեփական փոխադրամիջոց․ «Նրանց տեղափոխման հարցը դեռ բաց է մնում։ Այս ուղղությամբ քայլեր են ձեռնարկվում։ Գորիսում 35 ավտոբուսներ են տեղակայված, երբ երթեւեկը թեթեւանա, այդ ավտոբուսները կկարողանան մեկնել Ստեփանակերտ։ Կա որոշակի պայմանավորվածություն մեկնման գործընթացի շուրջ»։
Մանրամասները՝ տեսանյութում։
