15.09.2026 | 10:15
Գալուզինը հայտարարել է՝ ՌԴ-ն Գյումրիից ռազմաբազայի դուրսբերման դիմում չի ստացել
Ադրբեջանը անկախ միջազգային դիտորդներին ԼՂ մուտքի թույլտվություն դեռևս չի տրամադրել՝ իրավիճակը վերահսկելու համար․ ԵՄ ներկայացուցիչ
Քաղաքականություն
27.09.2023 | 17:40
Ադրբեջանը դեռևս անկախ միջազգային դիտորդներին Լեռնային Ղարաբաղ մուտքի թույլտվություն չի տրամադրել՝ տեղում իրավիճակը վերահսկելու համար: Այս մասին հայտարարել է Եվրամիության (ԵՄ) արտաքին քաղաքականության ծառայության պաշտոնական ներկայացուցիչ Պետեր Ստանոն։
«Մենք կոչ ենք անում Ադրբեջանին ապահովել միջազգային մուտք դեպի Լեռնային Ղարաբաղ՝ անհրաժեշտ օգնություն ցուցաբերելու, ինչպես նաև անկախ մոնիթորինգի համար՝ հասկանալու, թե ինչ է կատարվում, մասնավորապես, թե ինչպես են վերաբերվում բնակչությանը»,- ճեպազրույցի ժամանակ ասել է եվրոպացի դիվանագետը։
Բացի այդ, նա հավելել է, որ Բրյուսելը համընդհանուր համաներում կիրառելու կողմնակից է Լեռնային Ղարաբաղի Հանրապետության ուժերի համար, ովքեր համաձայնել են զինադադարին։
Ստանոն ընդգծել է, որ այս պահին Եվրամիության համար կարևոր խնդիր է մարդասիրական օգնություն ցուցաբերել Ղարաբաղում այն մարդկանց, ովքեր դրա կարիքն ունեն։ Նրա խոսքով՝ Եվրահանձնաժողովն արդեն օգնություն է հատկացրել, սրա հետ մեկտեղ, Եվրամիությունը կարող է լրացուցիչ աջակցություն ցուցաբերել։
