11.07.2026 | 17:45
Apple-ը դատի է տվել OpenAI-ին՝ մեղադրելով ընկերությանը առևտրային գաղտնիքներ գողանալու մեջ
ԱՄՆ-ն հավելյալ մարդասիրական օգնության կհատկացնի ԼՂ-ից բռնի տեղահանվածների բժշկական և այլ հրատապ կարիքների համար
Քաղաքականություն
27.09.2023 | 10:11
ԱՄՆ Ազգային անվտանգության խորհրդի խոսնակ Ադրիեն Ուոթսոնի հայտարարություն է տարածել Լեռնային Ղարաբաղում վառելիքի պահեստում տեղի ունեցած պայթյունի վերաբերյալ։
Հայտարարությունը՝ ստորև․
«Մենք վշտացած ենք այն լուրից, որ առնվազն 68 մարդ է զոհվել, հարյուրավոր մարդիկ են վիրավորվել Լեռնային Ղարաբաղում վառելիքի պահեստում տեղի ունեցած պայթյունի հետևանքով և մեր կարեկցանք ենք հայտնում Լեռնային Ղարաբաղի բնակիչներին և բոլոր տուժածներին։ Մենք կոչ ենք անում շարունակել մարդասիրական մուտքը Լեռնային Ղարաբաղ՝ ի շահ բոլոր կարիքավորների: Միացյալ Նահանգները կշարունակի աջակցել շարունակվող ճգնաժամից տուժածներին, քանի որ 28000 մարդ Լեռնային Ղարաբաղից անցել է Հայաստան։ ԱՄՆ Միջազգային զարգացման գործակալության տնօրեն Սամանտա Փաուերը տեղում է, և այսօր Միացյալ Նահանգները հայտարարում է հավելյալ մարդասիրական օգնության մասին՝ բավարարելու Լեռնային Ղարաբաղում բռնության հետևանքով տուժածների կամ տեղահանվածների բժշկական և այլ հրատապ կարիքները, ինչպիսիք են հիգիենայի պարագաները, վերմակները և հագուստը։ 2020 թվականից ի վեր մենք աջակցել ենք Լեռնային Ղարաբաղի և տարածաշրջանի հակամարտությունից տուժած համայնքներին՝ սննդի, ջրի, շտապ բժշկական օգնության և տարհանման, ինչպես նաև ընտանիքների վերամիավորման հարցերում»:
