12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
ԱՄՆ պետքարտուղարությունը՝ ԼՂ-ում միջազգային առաքելության ապահովման մասին
Քաղաքականություն
26.09.2023 | 11:33
ԱՄՆ Պետքարտուղարության խոսնակ Մեթյու Միլլերը նախօրեի ճեպազրույցում անդրադարձել է Ադրբեջանի կողմից Արցախի վրա հարձակմանն ու մարդկանց բռնի տեղահանմանը։
«Մենք մտահոգված ենք իրավիճակով։ Ես կասեմ այն ինչ կարևոր եմ համարում։ Առաջին՝ հրադադարը, որն այժմ գոյություն ունի, պահպանվի, և հետագա ռազմական գործողություն չլինի, երկրորդ՝ Լեռնային Ղարաբաղի բնակչության հումանիտար կարիքների բավարարում, երրորդ՝ Հայաստանն ու Ադրբեջանը միջև խաղաղության կայուն համաձայնագրի կնքում»,-ասել է Միլլերը՝ նշելով, որ Արցախում հայերի իրավունքներն ու անվտանգությունը պետք է հարգվեն։
«Ինչ վերաբերում է տեղում հումանիտար իրավիճակին, Լեռնային Ղարաբաղի էթնիկ հայերը պետք է կարողանան մնալ իրենց տներում խաղաղությամբ ու արժանապատիվ, իրենց իրավունքների ու անվտանգության հարգմամբ, եթե ընտրեն դա։ Նրանք, ովքեր ուզում են հեռանալ ու վերադառնալ՝ պետք է ապահով անցում թույլ տրվի, որը վերահսկվում է չեզոք, անկախ երրորդ կողմի կողմից: Իսկ Ադրբեջանը պատասխանատվություն է կրում խաղաղ բնակիչներին պաշտպանելու և բոլորի նկատմամբ մարդկային վերաբերմունք ապահովելու, ներառյալ նրանց, ում կասկածում է զինվորական լինելու մեջ»,-ասել է պետդեպի խոսնակը։
Խոսելով Արցախում միջազգային առաքելություն իրականացնելու Հայաստանի առաջարկների մասին՝ Միլլերն ասել է, որ ԱՄՆ-ն դրան աջակցում է։
«Մենք հավատում ենք, որ պետք է լինի միջազգային առաքելություն՝ ապահովելու թափանցիկություն, վստահություն Լեռնային Ղարաբաղի բնակիչներին և միջազգային հանրությանը, որ իրավունքները և անվտանգությունը կպաշտպանվեն Ադրբեջանի հրապարակային հայտարարություններին համահունչ։ Մենք ակտիվ քննարկումների մեջ ենք այդ առումով։ Մենք որոշ ժամանակ առաջ կոչ ենք արել նման առաքելություն իրականացնել, և մենք աշխատում ենք մեր դաշնակիցների և գործընկերների հետ՝ այն ապահովելու համար»,-հայտարարել է ԱՄՆ պաշտոնյան։
