15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Լևոն Քոչարյանը կալանավորվեց
Քաղաքականություն
25.09.2023 | 09:21
Հայաստանի երկրորդ նախագահ Ռոբերտ Քոչարյանի որդին՝ Լևոն Քոչարյանը, կալանավորվեց: Այս մասին հայտնում է Քոչարյանի պաշտպաններից Ալեքսանդր Կոչուբաևը:
Կալանքի միջնորդության քննությունը սկսվել էր երեկ՝ ժամը 23:00-ին: Միջնորդության քննությունն ընթացել է ամբողջ գիշեր, այնուհետև դատավոր Մասիս Մելքոնյանը հեռացել է խորհրդակցական սենյակ՝ որոշում կայացնելու։ Նա մասնակի է բավարարել Քննչական կոմիտեի միջնորդությունը․ ՔԿ-ն միջնորդել էր երկու ամսով կալանավորել Քոչարյանին, սակայն դատարանը մեկամսյա կալանք է սահմանել։
Նշենք, որ այսօր՝ ժամը 12:00-ի սահմաններում, լրանում էր Քոչարյանի ձերբակալման 72 ժամը, և եթե կալանավորման միջնորդության վերաբերյալ որոշում չլիներ, նա պետք է ազատ արձակվեր:
Հիշեցնենք, որ Լևոն Քոչարյանը մեղադրվում է իշխանության ներկայացուցչի՝ չորս կարմիրբերետավորի նկատմամբ բռնություն գործադրելու մեջ: Նա պնդում է, որ ոչ թե ինքը, այլ իրեն բերման ենթարկող ոստիկաններն են իր նկատմամբ բռնություն գործադրել: Քոչարյանը հաղորդում է ներկայացրել ոստիկանների դեմ, առկա է նաև քրեական վարույթ խոշտանգման հոդվածով:
Արաքս Մամուլյան
