Քաղաքականություն
24.09.2023 | 15:43
Արցախցիների առաջին խումբը հասել է Կոռնիձոր։ Արցախի Շուշիի շրջանի գյուղերի բնակիչներն այս պահին գրանցվում են մարդասիրական կայանում։ Այս մասին տեղեկացնում է Factor TV-ի թղթակիցը։
Նրանք Հակարիի կամուրջն անցել են առանց խոչընդոտների։ Ժամանածների ստույգ քանակը չի նշվում։
Շատերի հարազատները եկել են, մոտեցել են անցակետին, որպեսզի դիմավորեն եւ ուղեկցեն եկողներին իրենց տուն կամ այլ վայրեր։
Այս պահին մարդկանց նոր հոսք չի նկատում։ Կարմիր Խաչի աշխատակիցները հայտարարեցին՝ ում կացության հարցերը պետք է հոգա պետությունը, նրանք պետք է մոտենան Կարմիր Խաչի վրանին և առանձին գրանցվեն, ապա սպասեն, որ իրենց տեղափոխեն կացարաններ։
