24.06.2026 | 16:26
Արցախի դրոշը դարձյալ Ֆրանսիայի հրապարակում է
«Փոքրամասնության իրավունքներն են դրել ձեռներին և ուղարկել»․ Սամվել Բաբայանը՝ Եվլախի հանդիպման մասին
Քաղաքականություն
21.09.2023 | 15:04
«Ես ինչքան գիտեմ՝ փոքրամասնության իրավունքներն են դրել ձեռներին և ուղարկել, ուրիշ ոչ մի բան»,- Factor.am-ին այս մասին ասաց Արցախի ՊԲ նախկին հրամանատար Սամվել Բաբայանը՝ պատասխանելով հարցերին, թե Ստեփանակերտում ինչ տեղեկություններ կան Եվլախում տեղի ունեցած հանդիպումից։
Նշենք, որ Սամվել Բաբայանի հետ զրույցն ընդհատվեց կապի խափանման պատճառով, և մեզ չհաջողվեց կրկին կապ հաստատել նրա հետ։
Հիշեցնենք՝ այսօր Ադրբեջանի Եվլախ քաղաքում տեղի է ունեցել Արցախի և Ադրբեջանի իշխանությունների ներկայացուցիչների հանդիպումը՝ «վերաինտեգրման» օրակարգով։ Արցախի իշխանության ներկայացուցիչ Դավիթ Մելքումյանը Եվլախում ադրբեջանական կողմի հետ հանդիպման արդյունքներով Reuters-ին ասել է, որ Բաքվի հետ վերջնական պայմանավորվածություն չկա, մանրամասները պետք է համաձայնեցվեն։ Մելքումյանը նշել է, որ Արցախի հայ բնակչությունը համաձայնել է Բաքվի հետ զինադադարին, սակայն պայմանները դեռ պետք է մշակվեն։
«Մենք ունենք ռազմական գործողությունները դադարեցնելու պայմանավորվածություն, բայց սպասում ենք վերջնական համաձայնության, բանակցությունները շարունակվում են»,- նշել է Դավիթ Մելքումյանը։
Միաժամանակ, Ալիևի ներկայացուցիչը հայտարարել է, որ արցախահայության և Ադրբեջանի միջև բանակցությունները կարող են հանգեցնել խաղաղության պայմանագրի կնքմանը, որը վերջ կդնի հակամարտությանը։
Նարեկ Կիրակոսյան
