14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Մենք շարունակելու ենք աջակցել հայ ժողովրդի ինքնիշխանությանը և անվտանգությանը»․ Բլինքենը շնորհավորել է ՀՀ Անկախության օրվա կապակցությամբ
Քաղաքականություն
21.09.2023 | 11:47
Միացյալ Նահանգների պետքարտուղար Էնթոնի Բլինքենը շնորհավորել է ՀՀ Անկախության օրվա առթիվ։ Նրա շնորհավորական ուղերձում ասվում է․
«Հայաստանն իրեն դրեց ազատության և ինքնորոշման ուղու վրա, երբ 1991 թվականին հայտարարեց Խորհրդային Միությունից անկախացման մասին: Այդ ժամանակից ի վեր մենք տեսել ենք ձեր նվիրվածությունը ժողովրդավարական արժեքներին, մարդու իրավունքների, օրենքի գերակայության, տնտեսության և արդարության զարգացմանն ու ամրապնդմանը՝ համայն հայության համար։ Այս արժեքներն արտացոլում են մեր արժեքները, և մենք հպարտ ենք, որ համագործակցում ենք Հայաստանի հետ այս ոլորտներում: Մենք շարունակելու ենք աջակցել հայ ժողովրդի ժողովրդավարական ձգտումներին, ինքնիշխանությանը և անվտանգությանը. Միացյալ Նահանգներն աջակցում է Հայաստանի ինքնիշխանությանը, անկախությանը և տարածքային ամբողջականությանը և հավատարիմ է մնում Հարավային Կովկասի տարածաշրջանում կայուն և արժանապատիվ խաղաղության հաստատմանը, որտեղ հարգվում են բոլորի իրավունքները։
Մենք ակնկալում ենք շարունակել մեր երկկողմ հարաբերությունների և տնտեսական կապերի զարգացումը: Հայ ժողովրդին մաղթում եմ բարեկեցիկ և խաղաղ տարի»։
