11.07.2026 | 15:32
Երևանում առաջիկա օրերին սպասվում է առանց տեղումների եղանակ
Հայաստանը պաշտպանում է միայն ՀՀ սուվերեն տարածքը. ԼՂ-ի հետ կապված ՌԴ-ն և միջազգային հանրությունը պետք է քայլեր ձեռնարկեն. ԱԽ քարտուղար․ ՏԵՍԱՆՅՈՒԹ
Քաղաքականություն
20.09.2023 | 00:03
Հայաստանը պաշտպանում է միայն ՀՀ սուվերեն տարածքը. ԼՂ-ի հետ կապված միջազգային հանրությունը և առաջնահերթ ՌԴ-ն պետք է քայլեր ձեռնարկի։ Հանրային հեռուստաընկերության եթերում հայտարարեց ՀՀ անվտանգության խորհրդի քարտուղար Արմեն Գրիգորյանը։
Նրա խոսքով՝ խաղաղապահները այնտեղ են, նրանց պարտավորությունն է ապահովել ԼՂ բնակչության անվտանգությունը՝ նոյեմբերի 9-ի հայտարարության շրջանակներում, որի տակ ստորագրել է նաև Պուտինը։
Արձագանքելով հարցին, թե Դմիտրի Մեդվեդևի հայտարարությունից հետո ինչպե՞ս է պատկերացնում հարաբերությունները ՌԴ-ի հետ, Գրիգորյանը նշեց՝ թող Ռուսաստանի Դաշնությունը մտածի։
Նշենք, որ ՌԴ անվտանգության խորհրդի փոխնախագահ Դմիտրի Մեդվեդևն անդրադարձել էր Նիկոլ Փաշինյանի վարքագծին՝ նշելով. «Գուշակեք՝ ինչ ճակատագիր է նրան սպասվում․․․»։
«Եթե Մեդվեդևն է այդպիսի վարքագիծ դրսևորում, ուրեմն ՌԴ-ն պետք է դրա մասին մտածի, և ընդհանրապես պետք է հասկանալ՝ դա ի՞նչ քաղաքականություն է։ Նրանք այս քայլով ուզում են ցույց տալ, որ թիրախը Հայաստանն է. ԼՂ-ում լայնածավալ ռազմական գործողություններ են սկսում, ու մենք այդպիսի հրապարակային խոսք ենք տեսնում։ Կարծում եմ՝ Հայաստանի հանրությունն ադեկվատ արձագանք է տվել դրան»,-ասաց Արմեն Գրիգորյանը։
Մանրամասները՝ տեսանյութում։
