30.05.2026 | 17:38
ՆԱՏՕ-ի ԽՎ գարնանային նստաշրջանը մեկնարկել է Վիլնյուսում․ մասնակցում է նաև ՀՀ պատվիրակությունը
Սա չպետք է օգտագործվի պատրվակ՝ ԼՂ բնակչության բռնի արտագաղթի համար․ Բորելն Ադրբեջանին կոչ է արել անհապաղ դադարեցնել ռազմական գործողությունները
Քաղաքականություն
19.09.2023 | 16:59
ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը հայտարարություն է տարածել Ադրբեջանի կողմից Արցախում իրականացվող ռազմական ագրեսիայի առնչությամբ։
«Եվրամիությունը դատապարտում է ռազմական էսկալացիան շփման գծի երկայնքով և Ղարաբաղի այլ վայրերում։ ԵՄ-ն ցավում է էսկալացիայի հետևանքով մարդկային կորուստների համար։ Մենք բռնությունների և Ադրբեջանի կողմից ներկա ռազմական գործողությունների դադարեցման կոչ ենք անում։ Բաքվի և Ղարաբաղի հայերի միջև երկխոսությանը վերադառնալու հրատապ անհրաժեշտություն կա։ Ռազմական էսկալացիան չպետք է օգտագործվի որպես պատրվակ՝ տեղի բնակչության բռնի արտագաղթի համար»,- ասվում է հայտարարության մեջ։
Նշվում է, որ բռնությունը պետք է դադարեցվի՝ խաղաղության բանակցությունների և կարգավորման համար նպաստավոր միջավայր ստեղծելու համար:
«Համաձայնեցված արդյունքների հասնելը պահանջում է բոլոր կողմերի անկեղծ հանձնառությունը: ԵՄ-ն լիովին հավատարիմ է մնում երկխոսության դյուրացմանն օժանդակելուն»,- ասվում է հայտարարության մեջ։
Էմմա Չոբանյան
