19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
«Հանրապետություն» կուսակցությունը ՔՊ-ի հետ կոալիցիա կազմելու մասին հարց չի քննարկել
Քաղաքականություն
19.09.2023 | 12:48
«Հանրապետություն» կուսակցությունը «Քաղաքացիական պայմանագիր» կուսակցության հետ կոալիցիա կազմելու մասին քննարկում չի ունեցել․ ««Հանրապետություն» կուսակցությունը քաղաքական խորհրդի նիստ չի ունեցել, ոչ մի կոալիցիայի քննարկում չի ունեցել։ Պաշտոնապես ընտրությունների արդյունքները դեռ հայտարարված էլ չեն»,- Factor.am-ի հետ զրույցում ասաց կուսակցության քաղխորհրդի անդամ Անի Խաչատրյանը։
Երեկ «Հանրապետություն» կուսակցությունը շնորհակալություն էր հայտնել ընտրողներից, ընդգծել, որ կուսակցությունն իր տեսակետը կներկայացնի ընտրությունների արդյունքների վերջնական հրապարակումից և իրավիճակի հստակեցումից հետո։
Հիշեցնենք, որ սեպտեմբերի 17-ին Երևանում կայացած ավագանու ընտրությունների նախնական արդյունքներով անցողիկ շեմը հաղթահարել է 5 ուժ՝
1. ՔՊ – 75․463 (32.57%)
2. Ազգային առաջընթաց- 43․765 (18․89%)
3. Մայր Հայաստան – 35․739 (15.43%)
4. Հանրապետություն – 26․236 (11.32%)
5. Հանրային ձայն – 22․431 (9.68%)։
Ըստ նախնական արդյունքների՝ մանդատները կարող են բաշխվել հետևյալ կերպ՝ «Քաղաքացիական պայմանագիր» – 24 «Ազգային առաջընթաց» – 14 «Մայր Հայաստան» – 12 «Հանրապետություն» – 8 «Հանրային ձայն» – 7։
Քանի որ որևէ ուժ չի հավաքել 50+1 ձայն, ուստի օրենքի ուժով քաղաքապետ չի ընտրվել։ Ավագանին իր կազմից պիտի ընտրի քաղաքապետ, բայց որևէ ուժ ի զորու չէ միաձայն քաղաքապետ ընտրել, դրա համար անհրաժեշտ է կոալիցիա կազմել։
Արփի Հակոբյան
