Քաղաքականություն
19.09.2023 | 12:05
Ֆրանսիայի Հանրապետության ԱԳ նախարար Կատրին Կոլոննան X-ում արված գրառմամբ անդրադարձել է Արցախին հումանիտար օգնություն ցուցաբերելու անհրաժեշտությանը։
«Մարդասիրական երկու շարասյուն Լաչինի և Աղդամի անցակետերով հասել են Լեռնային Ղարաբաղ. սա պետք է լինի առանց նախապայմանների և անարգել մարդասիրական հասանելիության համար առաջին քայլը ՝ համաձայն միջազգային իրավունքի և Արդարադատության միջազգային դատարանի ու ՄԱԿ-ի դատարանի որոշումների»,- նշել է Կոլոննան։
Հիշեցնենք, որ երեկ՝ սեպտեմբերի 18-ին, Կարմիր խաչի միջազգային կոմիտեի տրանսպորտային միջոցներով Լաչինի միջանցքով և Ակնա (Աղդամ)- Ստեփանակերտ ճանապարհով Արցախ է բերվել շուրջ 28 տոննա հումանիտար բեռ, որը պարունակում է ցորենի ալյուր, բժշկական պարագաներ և հիգիենայի միջոցներ:
Արցախի ԱԳՆ-ն այս առնչությամբ հայտարարել էր, որ Մարդասիրական բեռի այս առաքումը չի կարող փոխարինել առևտրային բեռների կանոնավոր ապրանքաշրջանառությունը։
