18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Մինաս Ավետիսյանի որմնանկարները փրկելու համար դիմել են Լիլիթ Մակունցին․ ՏԵՍԱՆՅՈՒԹ
18.07.2018 | 16:20
Նկարիչ Մինաս Ավետիսյանի որմնանկարները փրկելու համար ստեղծվել է «Մինաս Ավետիսյան» հիմնադրամ, և այն բոլոր շինությունները, որտեղ գտնվում էին նկարչի որմնանկարները, ուսումնասիրվել են, որմնանկարների վերականգնման համար Հայաստան են հրավիրվել իտալացի մասնագետներ, և ստեղծվել է մի թիմ, որը վերականգնել է ոչնչացման եզրին գտնվող որմնանկարները։ Այս աշխատանքները իրականացվել են դեռևս 2007 թվականին, սակայն, խնդիրն առկա է նաև հիմա, թիմը դեռ գործում է, սակայն, չկա ֆինանսավորում՝ որմնանկարների վերականգնման աշխատանքեր իրականացնելու համար։
Այս մասին այսօր հրավիրված մամուլի ասուլիսի ժամանակ ասաց «Մինաս Ավետիսյան» հիմնադրամի տնօրեն Արման Ավետիսյանն՝ ընդգծելով, որ անհապաղ պետք է միջոցներ ձեռնարկել փրկելու համար Մինաս Ավետիսյանի «Գիշերը» որմնանկարը, որը ժամանակին փորձ է արվել հանել և դա արվել է շատ անորակ ձևով։
Ըստ Արման Ավետիսյանի՝ յուրաքանչյուր որմնանկարի վերականգնման համար ծախսվում է նվազագույնը 20 հազար ամերիկյան դոլար։
«Արդեն մեկ ամիս է՝ դիմել ենք, որ հանդիպենք մեր նորանշանակ նախարարի հետ, հասկանում եմ, որ ծանրաբեռնված է և իր համար դժվար է, սակայն, կարծում եմ, որ պետք է գործն անհապաղ սկսել»,- ասաց Արման Ավետիսյանը։
Մանրամասները՝ տեսանյութում։
