15.09.2026 | 15:41
«Արդեն մեկ տարի կապրեինք առանց պատերազմի». Լավրովը ԱՄՆ-ին մեղադրել է «Անքորիջից հրաժարվելու» պատճառով պատերազմը ձգձգելու մեջ
Երևանի ավագանու ընտրությունների ակտիվությունն ավելի ցածր է, քան 2021-ի ԱԺ ընտրություններինը․ ԻՆՖՈԳՐԱՖԻԿԱ
Քաղաքականություն
17.09.2023 | 15:30
ԿԸՀ-ի ներկայացրած տվյալների համաձայն՝ Երևանի ավագանու ընտրությունների քվեարկությանը, ժամը 14:00-ի դրությամբ, ամենաբարձր մասնակցությունը Նորք-Մարաշում է՝ 15,88 տոկոս, ամենացածրը՝ Էրեբունիում՝ 11,83 տոկոս։
Ընդհանուր առմամբ, Երևանում քվեարկությանը մասնակցել է 114 հազար 759 մարդ կամ ընտրության իրավունք ունեցողների 13,92 տոկոսը։ Սա ավելի ցածր ցուցանիշ է, քան 2021 թվականի արտահերթ խորհրդարանական ընտրությունների ցուցանիշը։ 2021-ի քվեարկությանը 14:00 դրությամբ Երևանում մասնակցել էր ընտրողների 29,28 տոկոսը։
ԿԸՀ անդամ Սիլվա Մարկոսյանի փոխանցմամբ՝ 2018 թվականին կայացած ընտրություններին, ժամը 14։00-ի դրությամբ, քվեարկությանը մասնակցել էր 201,268 քաղաքացի կամ ընտրողների 23,72 տոկոսը։
Բոլոր վարչական շրջանների մասնակցության ակտիվությունը՝ ինֆոգրաֆիկայում։
