10.01.2025 | 23:14
ՊԵԿ նախագահն ընդունել է Հնդկաստանի դեսպանին
ԱՄՆ-ը հստակ է ասել․ ցանկանում է՝ Լաչինի միջանցքն անհապաղ բացվի․ Մեթյու Միլլեր
Քաղաքականություն
15.09.2023 | 11:21
ԱՄՆ ցանկանում է, որ Լաչինի միջանցքն անհապաղ բացվի։ Այս մասին իր ճեպազրույցի ժամանակ հայտարարել է Պետդեպարտամենտի պաշտոնական ներկայացուցիչ Մեթյու Միլլերը։ Հարցին, թե ԱՄՆ օրենսդիրներից մեկը Լեռնային Ղարաբաղի մասով նամակ է գրել նախագահ Ջո Բայդեին, որում ասվում է, որ «ԱՄՆ-ն պետք է ճանաչի այս ցեղասպանությունը և գործի, որպեսզի փրկի հնարավորինս շատ կյանքեր», Միլլերը հայտարարել է․ «Մենք ցանկանում ենք, որ Լաչինի միջանցքն անհապաղ բացվի։ Մենք դա հստակ ենք ասել։ Պետքարտուղար Բլինքենը համագործակցել է և՛ Հայաստանի, և՛ Ադրբեջանի ղեկավարների հետ՝ հստակեցնելու, որ մենք ցանկանում ենք, որ Լաչինի միջանցքն անհապաղ բացվի՝ Լեռնային Ղարաբաղում իսկապես սարսափելի հումանիտար իրավիճակը լուծելու համար»։ Նա խոսել է նաև Կովկասի բանակցությունների գծով ավագ խորհրդական Լուիս Բոնոյի տարածաշրջանային այցի մասին։
«Նա շարունակում է զբաղվել և՛ կարճաժամկետ առաջնահերթությամբ, որը Լաչինի միջանցքի վերաբացումն է, և՛,իհարկե, մեր երկարաժամկետ առաջնահերթությամբ, որը ես ասում եմ՝ երկարաժամկետ , բայց մենք իսկապես ցանկանում ենք, որ դա տեղի ունենա որքան հնարավոր է շուտ, որն է հասնել ընդհանուր հարցի խաղաղ կարգավորման»,-ասել է Միլլերը։
