Քաղաքականություն
14.09.2023 | 19:23ԱՄՆ-ը չի հանդուրժի որևէ հարձակում Լեռնային Ղարաբաղի բնակիչների վրա։ Լեռնային Ղարաբաղում ճգնաժամի վերաբերյալ Սենատի արտաքին հարաբերությունների հանձնաժողովի լսումների ժամանակ հայտարարեց Եվրոպայի և Եվրասիայի հարցերով պետքարտուղարի օգնականի պաշտոնակատար Յուրի Քիմը:
Նա նշեց, որ այս մասին հստակ ուղերձներ են փոխանցվել Ադրբեջանին։
«Մենք շատ հստակ ուղերձներ են հղել։ Համար մեկ՝ Լաչինի միջանցքը պետք է բացվի հիմա, այլևս ոչ ուշ: Համար երկու՝ մենք չենք հանդուրժի որևէ ռազմական գործողություն, մենք չենք հանդուրժի որևէ հարձակում Լեռնային Ղարաբաղի բնակիչների վրա։ Սրանք շատ հստակ են»,- հայտարարել է ամերիկացի պաշտոնյան։
Նա, սակայն, հավելեց, որ տեխնիկապես պատերազմը ՀՀ-ի և Ադրբեջանի միջև չի ավարտվել, ինչն էլ ԱՄՆ-ի միջամտության անհրաժեշտությունը հրատապ է դարձնում։ Արցախում ստեղծված մարդասիրական ճգնաժամին անդրադառնալով՝ Յուրի Քիմը նշեց, որ անդադար բանակցություններ են ունեցել Բաքվի, Ստեփանակերտի ու Երևանի հետ։
«Անդադար հեռախոսով աշխատել ենք անձամբ Բաքվի, Երևանի, Ստեփանակերտի հետ, որպեսզի փորձենք առաջընթաց գրանցել»,- հայտարարեց Քիմը՝ ընդգծելով, որ ԱՄՆ-ը նաև միջազգային գործընկերների հետ է աշխատել դեպի Լեռնային Ղարաբաղ հումանիտար օգնություն հասցնելու համար։
Մանրամասները՝ տեսանյութում։
