02.04.2026 | 10:02
Արենիում 2011-ի աճուրդը դատարանը ճանաչել է անվավեր․ հողամասը կվերադարձվի համայնքին
Արդյո՞ք Երասխի մետալուրգիական գործարանն ապամոնտաժվում է․ ԵՄ առաքելության գրառումը հեռացվել է
Քաղաքականություն
14.09.2023 | 11:40
Հայաստանում տեղակայված ԵՄ դիտորդական առաքելությունը հայտնել է Երասխում իրականացվող պարեկության մասին։
«ԵՄ առաքելությունը կանոնավոր պարեկություն է իրականացնում Երասխի տարածքում, այդ թվում՝ մետաղաձուլական գործարանի՝ հետևելու անվտանգությանը և ռազմական ցանկացած զարգացումների։ Մեր ներկայությամբ մենք նպաստել ենք ավելի ապահով ու անվտանգ միջավայրին»,-ասվում է առաքելության X-ի էջում գրառման մեջ։
Հավելենք, որ նախօրեին առաքելությունը մեկ այլ գրառմամբ նշել էր, որ «վերջին շաբաթներին առաքելությունը պարբերաբար պարեկություն է արել տարածքում՝ դիտարկելու և հսկելու գործարանի ապամոնտաժմանը և իր ներկայությամբ նպաստելունյութերի և սարքավորումների անվտանգ տեղափոխմանը այլ վայր»։
Այժմ նշյալ գրառումը ՀՀ- ում ԵՄ դիտորդական առաքելության էջից բացակայում է։
Factor.am-ին առայժմ չի հաջողվում այս հարցում մեկնաբանություն ստանալ գործարանի տնօրինությունից։
