06.10.2026 | 16:08
Դրա մասին վաղ է խոսել․ Ռուբինյանը՝ ադրբեջանցու արտահանձնման հնարավորության մասին․ ՏԵՍԱՆՅՈՒԹ
Փարիզը Մակրոնի հանձնարարությամբ ԵԱՀԿ-ին կոչ է անում հասնել Լաչինի միջանցքի բացմանը․ ԵԱՀԿ-ում Ֆրանսիայի ներկայացուցիչ
Քաղաքականություն
13.09.2023 | 16:46
Ֆրանսիան ԵԱՀԿ-ին կոչ է անում հասնել Լաչինի միջանցքի բացմանը։ Այս մասին հայտարարել է կազմակերպությունում Ֆրանսիայի դեսպանը։
«Նախագահ Էմանունել Մակրոնի հանձնարարությամբ Ֆրանսիան կոչ է անում ԵԱՀԿ-ին հասնել Լաչինի միջանցքի անհապաղ վերաբացմանը և ընդգծել Լեռնային Ղարաբաղի բնակչության կարիքների բավարարմանն ուղղված անհապաղ միջոցառումների անհրաժեշտությունը»,- ասվում է X-ում ԵԱՀԿ-ում Ֆրանսիայի ներկայացուցչության գրառման մեջ։
Հիշեցնենք, որ սեպտեմբերի 12-ին ՀՀ արտաքին գործերի նախարարի տեղակալ Վահե Գևորգյանը Վիեննայում մասնակցել և ելույթով է հանդես եկել Հայաստանի նախաձեռնությամբ հրավիրված ԵԱՀԿ հատուկ մշտական խորհրդի նիստին։
ԱԳ նախարարի տեղակալը ԵԱՀԿ մասնակից պետությունների ներկայացուցիչների ուշադրությունն է հրավիրել Ադրբեջանի կողմից 9 ամիս շարունակ Լաչինի միջանցքի ապօրինի արգելափակման հետևանքով Լեռնային Ղարաբաղում վատթարացող հումանիտար ճգնաժամի, ինչպես նաև Հայաստան-Ադրբեջան սահմանի և Լեռնային Ղարաբաղի հետ շփման գծի երկայնքով ադրբեջանական զինված ուժերի կողմից անվտանգային իրավիճակի լարմանն ուղղված գործողությունների վրա։
Էմմա Չոբանյան
