15.07.2026 | 23:23
Ջրափրկարարները քաղաքացիներին անվնաս մոտեցրել են ափ․ նրանց կյանքին վտանգ չի սպառնում
ՌԴ ավելի քան 10 հազար քաղաքացի իրավունք ունի մասնակցել Երևանի ավագանու ընտրություններին
13.09.2023 | 14:04
Երևանի ավագանու ընտրություններում բացի ՀՀ քաղաքացիներից ընտրելու իրավունք ունի այլ երկրի քաղաքացիություն ունեցող 14 հազար 839 անձ։ Այս մասին Factor.am-ին տեղեկացրին ՀՀ ներքին գործերի նախարարության Միգրացիայի ծառայությունից։ Նրանց թվում են կացության կարգավիճակ ունեցող 1639 օտարերկրացի, 628 փախստական, 109 քաղաքացիություն չունեցող անձ: Նրանց գերակշիռ մեծամասնությունը ՌԴ քաղաքացիներ են՝ 10 հազար 303-ը։ Ընտրության իրավունք ունի նաև Սիրայի՝ 883, Իրանի՝ 775, Վրաստանի՝ 337, Լիբանանի՝ 253, Ուկրաինայի 300, ԱՄՆ-ի՝ 290, Հնդկաստանի՝ 86 քաղաքացի, ինչպես նաև՝ քաղաքացիություն չունեցող 122 անձ։ Երևանում ընտրելու իրավունք ունի նաև Ադրբեջանի քաղաքացիություն ունեցող 223 մարդ։ Նրանք 90-ականների փախստական հայերն են, որոնք մինչ այժմ շարունակում են պահպանել Ադրբեջանի քաղաքացիությունը։
Նշենք, որ Ընտրական օրենսգրքի 2-րդ հոդվածով նախատեսված է, որ ՀՀ քաղաքացիություն չունեցող, համայնքային պետական ռեգիստրում առնվազն 1 տարվա հաշվառում ունեցող և քվեարկության օրը 18 տարին լրացած անձինք ունեն քվեարկության իրավունք։
Անժելա Պողոսյան
