05.08.2026 | 14:51
Ինչ եղանակ է սպասվում առաջիկա օրերին
Բոլոր ճանապարհները առաջիկայում անվտանգության աուդիտ են անցնելու․ փոխնախարար․ ՏԵՍԱՆՅՈՒԹ
Տնտեսություն
12.09.2023 | 12:08
Ազգային ժողովում քննարկվում է Կառավարության կողմից ներկայացված՝ «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին», «ՀՀ քրեական օրենսգրքում լրացում և փոփոխություն կատարելու մասին» օրենքի նախագծերի փաթեթն առաջին ընթերցմամբ ընդունելու մասին հարցը:
Նախագծերի ընդունմամբ ակնկալվում է բարձրացնել ճանապարհների եւ ճանապարհային ենթակառուցվածքների վնասման հետևանքով պետությանը հասցված վնասի համար նախատեսված տուգանքների չափերը եւ խստացնել պատասխանատվության միջոցները:
Փոխնախարարը հայտնել է, որ միայն վերջին 2 ամսվա ընթացքում միջպետական հանրապետական ճանապարհներից 85 ճանապարհային նշաններ են գողացվել, վնասվել են 86 գծամետր արգելափակոցներ: Սպասարկող ընկերությունները նախարարությունից հստակ հանձնարարություն են ստացել՝ բոլոր դեպքերով ներկայացնել հաղորդումներ:
«Փորձում ենք վերահսկողությունը խստացնել․․․ Բոլոր ճանապարհները առաջիկայում անվտանգության աուդիտ են անցնելու»,- ասաց փոխնախարարը։
Մանրամասները՝ տեսանյութում։
