12.03.2026 | 22:38
Թուրքիայում սկսել են ձերբակալել ու ճնշել Ալիևին քննադատողներին՝ Ադրբեջանից Էրդողանի փեսայի հասցեին մեղադրանքներից հետո
ՌԴ-ն ցանկանում է Ադրբեջան-Հայաստան տարանցմամբ էլեկտրաէներգիա մատակարարել Իրան
Քաղաքականություն
11.09.2023 | 11:42
Ռուսաստանը բանակցություններ է վարում Թեհրանի և Բաքվի հետ Ադրբեջանի տարածքով 300 ՄՎտ էլեկտրաէներգիա Հայաստան և հետագայում Իրան արտահանելու հնարավորության շուրջ, գրում են ռուսական լրատվամիջոցները։ Այս մասին հայտարարել է ՌԴ էներգետիկայի նախարար Նիկոլայ Շուլգինովը։
«Հիմա մենք պարզապես դիտարկում ենք Ադրբեջանի տարածքով Հայաստան, այնտեղից Իրան և, հնարավոր է, նաև այլ երկրներ էլեկտրաէներգիա մատակարարելու հնարավորությունը։ Առաջին փուլում մենք պայմանավորվում ենք Թեհրանի և Բաքվի հետ՝ օգտագործելու առկա ենթակառուցվածքները՝ առանց նոր շինարարության»,-ասել է Շուլգինովը։
Նա նշել է, որ խոսքը 300 ՄՎտ ծավալով էլեկտրաէներգիայի մասին է։ ՌԴ նախարարն ասել է, որ նախագծի բոլոր մասնակիցները շահագրգռված են այս հարցում։
