20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Սարգիս Հովհաննիսյանն ազատվել է ՊՊԾ պետի պաշտոնից․ հայտնի է՝ ով կկատարի նրա պարտականությունները
Քաղաքականություն
09.09.2023 | 23:59
Նիկոլ Փաշինյանը քիչ առաջ Սարգիս Հովհաննիսյանին ազատեց պետական պահպանության ծառայության ղեկավարի պաշտոնից։ ՀՀ վարչապետի որոշումը հրապարակվել է կառավարության կայքում։
Պետական պահպանության ծառայության պետի պարտականությունները կկատարի պետական պահպանության ծառայության պետի տեղակալ Արթուր Գասպարյանը։
Սարգիս Հովհաննիսյանն այս պաշտոնը զբաղեցնում էր 2020 թվականի դեկտեմբերից՝ 44-օրյա պատերազմից հետո։ Նա համարվում էր ուժային կառույցներում Փաշինյանի վստահելի անձանցից մեկը։
2023 թվականի գարնանը ՊՊԾ-ն, երբ առանձնացվեց ԱԱԾ-ից և դարձավ ուղիղ վարչապետին ենթակա մարմին, Սարգիս Հովհաննիսյանը կրկին վերանշանակվեց այս պաշտոնում։
Նշենք, որ ՊՊԾ-ն զբաղվում է բարձրաստիճան պաշտոնատար անձանց և պետական հատուկ պահպանվող կառույցների անվտանգության ապահովմամբ։ Սարգիս Հովհաննիսյանը Փաշինյանին մշտապես ուղեկցում էր նրա կատարած այցերի ընթացքում։ Նա 2021 թվականին Փաշինյանի առաջարկով և ՀՀ նախագահի հրամանագրով գեներալ-մայորի կոչում էր ստացել։
Նարեկ Կիրակոսյան
