12.03.2026 | 17:36
Իրանական կղզիներ ներխուժման դեպքում «Պարսից ծոցը կողողվի զավթիչների արյունով»․ Իրանի խորհրդարանի նախագահ
Երևանցիներին հետաքրքրում է առաջին հերթին անվտանգությունը. Արտակ Զեյնալյան․ ՏԵՍԱՆՅՈՒԹ
Քաղաքականություն
07.09.2023 | 12:02
Ընթանում է «Հանրապետություն» կուսակցության քարոզարշավը։
Երևանցիներին հետաքրքրում է առաջին հերթին անվտանգությունը, մեր երկրի ինքնիշխանությունը և խաղաղությունը։ Այս մասին լրագրողների հետ զրույցում նշեց «Հանրապետություն» կուսակցության Երևանի քաղաքապետի թեկնածու Արտակ Զեյնալյանը։
Նրա դիտարկմամբ՝ ջրամատակարարման, էլկտրամատակարարման, աղբի, թափառող շների և մի շարք այլ խնդիրներ մանր բաներ են վերոնշյալ կարևոր խնդրի համեմատ։
«Մարդիկ հասկանում են, որ այսօր մենք ունենք պետական անվտանգության, անկախության և ինքնիշխանության խնդիր»,- նշեց Զեյնալյանը։
Հարցին, թե Երևանի քաղաքապետը, ելնելով իր սահմանափակ լիազորություններից, ի՞նչ կարող է անել այդ կարևոր խնդիրների լուծման համար, Զեյնալյանը նշեց․ «Երևանի քաղաքապետը արտակարգ իրավիճակների ժամանակ և ռազմական դրության ժամանակ հրամանատար է։
Բացի դրանից՝ Երևանը Հայաստանից անջատ չէ և ընդդեմ չէ Հայաստանին։ Մենք մի պետության մաս ենք կազմում, և չեն կարող երկրի կառավարությունը և Երևանի քաղաքապետարանն իրար հետ չհամագործակցել և չգումարել իրենց ջանքերը՝ անկախ նրանից, թե որ քաղաքական ուժն է մեծամասնություն կազմում»։
Մանրամասները՝ տեսանյութում։
