03.10.2026 | 15:55
Օդի ջերմաստիճանը հողի մակերևույթին կնվազի մինչև −4°C
Ադրբեջանը օրեր շարունակ զորքեր է կուտակում, նոր ռազմական սադրանք ձեռնարկելու մտադրություն է ցույց տալիս․ Փաշինյան. ՏԵՍԱՆՅՈՒԹ
Քաղաքականություն
07.09.2023 | 11:11
Նախորդ շաբաթվա ընթացքում ազմաքաղաքական իրավիճակը մեր տարածաշրջանում էականորեն սրվել է։ Կառավարության նիստի մեկնարկին այս մասին հայտարարեց վարչապետ Նիկոլ Փաշինյանը՝ ընդգծելով, որ դրա պատճառն այն է, որ Ադրբեջանը օրեր շարունակ զորքեր է կուտակում ԼՂ շփման գծի և Հայաստան-Ադրբեջան սահմանագծի երկայնքով:
Փաշինյանի խոսքով՝ ադրբեջանական մամուլում և քարոզչական հարթակներում ավելի է ահագնացել հակահայկական ատելության հռետորաբանությունը․ Հայաստանի ինքնիշխան տարածքի նկատմամբ ոտնձգությունների քաղաքականությունը շարունակվում է:
«ԼՂ հայության իրավունքների ու անվտանգության հասցեագրման համար միջազգային մեխանիզմի շրջանակներում Բաքու-Ստեփանակերտ երկխոսությունը ու Լաչինի միջանցքի ապաարգելափակումը էական է։
Այս ամենի հենքի վրա Հայաստանը պատրաստ է ու ցանկանում է խաղաղության ու հարաբերությունների կարգավորման պայմանագիր կնքել Ադրբեջանի հետ»,- նշեց վարչապետը։
Փաշինյանն ընդգծեց՝ հայկական կողմն իր հավատարմությունն է արտահայտում խաղաղության օրակարգին։
Մանրամասները՝ տեսանյութում։
