27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Աննա Հակոբյանը հանդիպել է Վլադիմիր Զելենսկիին և նրա տիկնոջը
Քաղաքականություն
07.09.2023 | 10:57
ՀՀ վարչապետ Նիկոլ Փաշինյանի տիկին Աննա Հակոբյանը Կիևում հանդիպել է Ուկրաինայի նախագահ Վլադիմիր Զելենսկիին և նրա տիկնոջը՝ Օլենա Զելենսկային։ Այս մասին Factor․am-ը տեղեկանում է վարչապետի տիկնոջ ֆեյսբուքյան էջում հրապարակված լուսանկարից։
Հիշեցնենք՝ Աննա Հակոբյանը երեկ մեկնել ր Ուկրաինայի մայրաքաղաք և մասնակցել Առաջին տիկնանց և պարոնների ամենամյա գագաթնաժողովին։ Թեև գագաթնաժողովի թեման հոգեկան առողջությունն է, այնուամենայնիվ Հակոբյանն իր ելույթում անդրադարձել է նաև Արցախի շրջափակմանը և դրա հետևանքով այնտեղ գտնվող 30 հազար երեխաների իրավունքներին։
«Գագաթնաժողովի ժամանակ խոսեցի խաղաղության, ապագա սերունդներին ավելի լավ աշխարհ ժառանգելու մասին։ Բարձրացրեցի Լաչինի միջանցքի բլոկադայի արդյունքում 30 հազար հայ երեխաների իրավունքների ոտնահարման և կյանքի անմարդկային պայմանների հարցը»,- ֆեյսբուքյան էջում գրել է նա։
Հավելենք՝ ավելի վաղ Factor.am-ը աղբյուրները տեղեկացրել էին, որ Հայաստանն առաջին անգամ հումանիտար օգնություն է ուղարկում Ուկրաինա։ Ըստ շրջանառվող լուրերի՝ Աննա Հակոբյանն Ուկրաինա է ժամանակ նաև այս բեռներն անձամբ փոխանցելու համար։ Պաշտոնական Երևանն այս տեղեկությունն առայժմ չի մեկնաբանում։
